இப்பக்கம் சரிபார்க்கப்பட்டது.
130
- பெண் : ஓடுகிற தண்ணியிலே ஒறச்சு விட்டேன் சந்தனத்தை
- சேந்துதோ?... சேரலையோ?... செவத்த மச்சான் நெத்தியிலே...!
- ஆண் : சந்தனப் பொட்டு வச்சு
- சொந்த மச்சான் வந்திருக்கேன்!
- சந்தோஷமாக நீயும் வந்து சேரு இக்கரைக்கு!
- பெண் : இக் கரையில் நானிருக்க
- அக் கரையில் நீ யிருக்க
- இருவரையும் பிரிக்க இடையில் இந்த ஆறிருக்கு!
- ஆண் : ஆறாலும் நம்மைப் பிரிக்க
- ஆகு மோடி மத்தியிலே!
- ஆசையுள்ள பெண் மயிலே
- பாரு வாறேன் பக்கத்திலே!
- பெண் : பக்கத்திலே வந்தவுடன்
- பாச முள்ள எம் மனசு
- சொக்காமல் சொக்கிடுது சுத்திச் சுத்தி ஆடிடுது!
- பக்குவமா நேரம் பார்த்துப்
- பாட்டுப் பாட வந்த மச்சான்!-என் சொந்த மச்சான்
- வெக்கமா இருக்குதுங்க
- விலகிக் கொஞ்சம் போங்க மச்சான்!