276 டாக்டர் எஸ். நவராஜ் செல்லையா நயமான சொல்லில் தான் பிறக்கிறது என்று சொல்லின் உண்மையான பெருமையை, நுண்மையான திண்மையை எட்டாவது குறளில் சுட்டிக் காட்டுகிறார் வள்ளுவர். 199. பொருள்தீர்ந்த பொச்சாந்தும் சொல்லார் மருள்தீர்ந்த மாசறு காட்சி அவர் பொருள் விளக்கம்: பொருள் தீர்ந்த உடல் நலிவுற்றிருக்கும் போதும் மருள் தீர்ந்த - மனமாசுகளின் மயக்கத்திற்கு பொச்சாந்தும் = மற்றவர் மேல் பொல்லாங்கு வருவதுபோல மாசறு - குற்றம் சாராமல் நன்மை செய்யக்கூடிய காட்சியவர் = அறிவும் அழகும் கொண்டு தோன்றுபவர் சொல்லார் - பேசவே மாட்டார் சொல் விளக்கம்: பொருள் = பொன், உடல், உண்மை, குணம் பொச்சாத்து = பொல்லாங்கு, மறதி மருள் = உன்மத்தம், பைசாசம் காட்சி=அறிவும் அழகும் கொண்ட தோற்றம் முற்கால உரை: மயக்கத்தில் நீங்கிய அறிவினை உடையவர், பயனின் நீங்கிய சொற்களை மறந்தும் சொல்லார். தற்கால உரை: மயக்கம் நீங்கிய குற்றமற்ற அறிவுரை, பயனற்ற சொற்களை தம்மை மறந்தும் கூடச் சொல்ல மாட்டார். புதிய உரை: மன மாசுகளுக்கு ஆட்படாத, பழிபாவம் சாராத பயனுள்ள நன்மைகளைச் செய்யும் பண்புறு தோற்றம் உள்ளவர், தனது உடல் வலிமை தீர்ந்த நலிந்த நேரத்தும், பிறர்மேல் பொல்லாங்கை ஏற்படுத்தும் மொழிகளைப் பேசமாட்டார். விளக்கம்: பொருள் தீர்ந்த என்னும் பொருள் பொதிந்த சொல். பொருள் என்பதற்குப் பொன் என்றும். உடல் என்பதற்குப் பொருள், பொன் என்றும் அர்த்தங்கள் உண்டு.
