இப்பக்கம் மெய்ப்பு பார்க்கப்பட்டுள்ளது
103
28. உறைவுத் தடுப்பி என்றால் என்ன?
- குருதி உறைவைத் தடுக்கும் பொருள். எ-டு கெப்பாரின்.
29. உயிர் எதிர்ப்பு வாழ்வு என்றால் என்ன?
- உயிரிகளுக்கிடையே உள்ள இயைபு. அவற்றில் ஒன்றிற்குத் தீங்காக அமைதல்.
30. உயிர் எதிர்ப்பிகள் என்றால் என்ன?
- நுண்ணியிரிகளால் உண்டாக்கப்படும் கரிமச் சேர்மத் தொகுதிகள். ஏனைய நுண்ணியிர்கள் செயல்களைத் தடை செய்பவை. எ-டு பெனிசிலின்.
31. அம்மை குத்துதலை யார் எப்பொழுது கண்டுபிடித்தார்?
- 1796 இல் ஜென்னர் கண்டறிந்தார்.
32. எச்எல்ஏ என்றால் என்ன?
- மனித வெள்ளணு எதிர்ப்பி (Human Leucocyte Antigen). மனிதரிடம் இதை அடையாளங் கண்டறிவது உறுப்புப் பதியனுக்கும் நோய்ச்சேர்க்கையை அறியவும் பயன்படும்.
33. புரை உண்டாதல் என்றால் என்ன?
- சீழ் உண்டாக்கும் நுண்ணுயிர்கள் உடலில் தொற்றி நசிவை ஏற்படுத்துதல்.
34. சைக்ளோஸ்போரின் (F 5061) என்றால் என்ன?
- தடுப்பாற்றலை ஒடுக்கும் மருத்துவ வேதிப்பொருள். இதன் கண்டுபிடிப்பு பதியன்கள் தள்ளப்படுவதைத் தவிர்க்க உதவும்.
35. ஆர்எச் காரணி என்றால் என்ன?
- வழக்கமாக மனிதக் குருதியில் இருக்கும் எதிர்ப்பிகள். மகப்பேற்றின் பொழுது தீய விளைவுகளை உண்டாக்கும். இக்காரணியைக் கொண்டவர்கள் ஆர்எச் நேரிடையாளர்கள். கொள்ளாதவர்கள் எதிரிடையானவர்கள். இந்தியாவில் 97% நேரிடையானவர்களும் 3% எதிரிடையானவர்களும் உள்ளனர்.
36. தொற்றிகள் என்றால் என்ன?
- கட்டுப்படுத்தப்பட வேண்டிய அளவுக்கு மனிதனுக்குத் தொல்லை தரும் விலங்குகள். இவை தீங்குயிரிகளே.
எ-டு கொசுக்கள்.
