இப்பக்கம் மெய்ப்பு பார்க்கப்பட்டுள்ளது
52
3. விதிகளும் புதிய விளக்கங்களும்
கோகோ ஆட்டமானது ஆடுகின்ற ஆட்டக்காரர்களுக்கு மட்டும் உவப்பும் உற்சாகமும் ஊட்டுவதுடன் நின்றுவிடாமல், வேடிக்கை பார்க்கின்றவர்களையும் வெகுவாகக் கவர்ந்திழுத்துத் தன்வயப்படுத்துகின்ற ஆட்டமாகவும் அமைந்திருக்கிறது.
ஆட்டம் தொடங்கிய உடனேயே, ஆட்டத்தில் பங்கு பெறுகின்ற ஆட்டக்காரர்களுடனே, பார்வையாளர்களும் ஆட்டத்தில் இரண்டறக் கலந்து போய் விடுவதை எங்கும் காணப்படுகின்ற காட்சியாகவே அமைந்து விடுவதையும் நம்மால் காண முடியும்.
இந்திய நாடு முழுவதும் கோகோ ஆட்டம் ஆடப்பட்டு வருகிறது. அத்துடன், மலேசியா, சிங்கப்பூர்