எஸ்.நவராஜ் செல்லையா
81
ஒருவரையே குறிவைத்து விடாது விரட்டும் போது, தொடர்ந்து விரட்டி அவர் அயர்வடைகிற பொழுது விரைவாக ஓடித் தொட்டு வெளியேற்றிவிட வேண்டும். இதுவே தந்திரமான ஆட்டமாகும்.
6. ஓடி விரட்டுபவர் மற்ற ஓட்டக்காரர் அல்லது ஓட்டக்காரர்களை கம்பம் இருக்கும் பக்கத்திற்கு விரட்டிக் கொண்டு சென்று, அவர்கள் ஓடுகின்ற நேரத்தில், திடீரென்று, கம்பத்திற்கருகில் உள்ள கட்டத்தில் அமர்ந்திருப்பவருக்கு ‘கோ’ கொடுத்துவிட வேண்டும். அவர் திடீரென்று பாய்ந்து தொட்டுவிடும் வாய்ப்பு வந்துவிடும்.
அதனால் தான் முன்கூட்டியே ஆட்டக்காரர்களை அமர்த்தும்போது, விரைவாக ஓடும் ஆட்டக்காரர்களை அமரச் செய்ய வேண்டும் என்று முன்னரே கூறியிருந்தோம்.
7. கம்பத்தினருகில் ஆடும்போது தான், ஏமாற்றி ஆட்டக்காரர்களைத் தொட ஏதுவாக இருக்கும். உதாரணமாக, கம்பத்தின் அருகில் ஓட்டக்காரர் ஒருவர் வந்துவிட்டதாகக் கொள்வோம். ஓடி விரட்டிக் கொண்டு வருபவர் கடைசிக் கட்டத்தில் ஒரு காலை வைத்துக் கொண்டு, முன்னே ஓடுவது போல பாவனை செய்ய வேண்டும்.
ஓட்டக்காரர் பயந்து, முன்னே ஓடி தப்பித்தால் போதும் என்று முன்புறமாக வரும்போது, உடனே ‘கோ’ கொடுத்து அவரை எழுப்பி ஓடச் செய்யலாம். அவர் பின்புறமாக ஓட முயற்சித்தால், தானே ஓடிப் போய் தொடலாம்.
