குண்டான உடம்பைக் குறைப்பது எப்படி?
55
உடல் எடையைக் குறைப்பதற்கு இரண்டே இரண்டு வழிகள் தான் உண்டு. ஒன்று உடலுக்குப் பயிற்சி செய்வது. இரண்டாவது உணவு உட்கொள்ளும் அளவைக் குறைக்க முயற்சிப்பது.
ஒவ்வொரு குண்டான மனிதர் (ஆண்/பெண்) இருபாலருக்கும் ஒரே ஒரு பேராசையின் மீது குறையாத நம்பிக்கை என்றும் உண்டு. அதாவது சாப்பிடுகிற சாப்பாட்டின் அளவைக் குறைக்காமல் உடலின் எடையைக் குறைத்து விட யாராவது ஒருவர் இந்த உலகத்திலே ஒரு சிறப்பான வழியைக் கண்டு பிடிக்க மாட்டார்களா என்பதுதான் அந்த ஏக்கம். துரதிஷ்டவசமாக இந்த குறுக்கு வழி முறையை இன்னும் யாரும் கண்டு பிடிக்கவில்லை. ஏனென்றால் உடம்பு என்பது உழைக்கப் பிறந்தது. உறங்க மட்டும் பிறந்ததல்ல.
உண்மையாக, எடையைக் குறைப்பது என்றால், உடலில் நிறைந்துள்ள, ஓரிடத்தில் ஒன்று சேர்ந்து குவிந்துள்ள கொழுப்புப் பகுதியை உடைப்பது. குறைப்பது என்பதுதான்.
அதற்கு உடல் இயக்கத்தில் ஒரு மாற்றம் செய்ய வேண்டும். தன் உள்ளேயே நிரம்பி இருக்கின்ற உணவின் அளவையும், உருமாற்றம் செய்கின்ற உழைப்பையும் இந்த இரண்டையும் ஒன்றிணைத்தால்தான் அங்கே எண்ணியது கைகூடும்.
