100
எண்ணிக்கை 2: இடது காலை வலது காலுடன் கொண்டு வந்து சேர்க்க வேண்டும். கால்களை சேர்த்ததும் நிமிர்ந்து, விறைப்பாக நிற்க வேண்டும்
நிலை நடைப் பயிற்சி (Mark Time)
நிலை நடை என்பது, நின்ற இடத்திலேயே கால்களை உயர்த்தி, இறக்கி, நடை போடுகிற முறையாகும்.
நிற்கும் இடத்திலேயே நட (Mark Time) என்ற கட்டளையை ஆசிரியர் இட வேண்டும்.
வரிசையில் விறைப்பாக நிற்கும் மாணவர்கள், இடது காலால் தொடங்குவர். இடது காலை உயர்த்தும் போது, இடம் (Left) என்றும், இடது காலை தரையில் வைத்து, வலது காலை உயர்த்தும் போது வலம் (Right) என்றும் ஆசிரியர் சொல்லிக் கொண்டே இருக்க வேண்டும்.
நடையை நிறுத்து (Class ... halt) என்றதும், மாண வர்கள் நடையை நிறுத்துவர்.
இடது கால் தரைக்கு வரும் போது நடையை (Class) என்றும், வலது கால் தரைக்கு வரும் போது நிறுத்து (Halt) என்றும் கூற வேண்டும்.
நின்ற இடத்தில் நடை போடக் கற்றுக் கொண்ட பிறகு, மாணவர்களுக்கு, முன்னோக்கி நட, இடது புறம் திரும்பு, வலது புறம் திரும்பு பின் புறம் திரும்பு என்றெல்லாம் கட்டளையிட, மாணவர்கள் நடக்கும் போதே, திரும்பிடக் கற்றுக் கொள்வர்.
இடது புறம், வலது புறம் என்பதற்கு 1, 2 என்ற இரண்டு எண்ணிக்கை எண்ணினால் போதும்.
