மூலமும் உரையும்
புலியூர்க் கேசிகன் ☆ 161
கருதியும், அங்கேயே இராது, அன்பு மிகவும் செலுத்துவதாக, நாம் அடையுமாறு நம்மிடத்தேயும் அணுகவந்தன, காண்பாயாக!
சொற்பொருள்: 2. உளைமயிர் - தலையாட்டம் போலத் தொங்கும் மயிர். 6. பெரும்பொழி - பெரிதாக உரித்த உரி. 7. நியமம் - அங்காடி 8. பதவு முதல் - வாயிலிடம் 13 நிகர் - ஒளி.
விளக்கம்: பிடியானை கதறக் கன்றினைப் பிரித்து வந்து கள்விலையாகத் தரும் கல்லா இளைஞர்கள்போல, காதலி துயருற்றுப் புலம்புமாறு பிரிந்துவந்து, பொருள் வேட்கையாற் செல்லுகின்ற அறிவற்றவன் ஆயினேன் என, அவன் தன் நெஞ்சத்தே நினைந்து வருந்தினான் என்க.
பாடியவர்: மதுரை எழுத்தாளன். திணை: முல்லை. துறை: தலைமகன் பாசறையிலிருந்து சொல்லியது. 'தூது கண்டு கூறியது என்பர், நச்சினார்க்கினியர்.
(அவன் குறுநில மன்னன்; பேரரசனுக்குப் படைத்துணை யாகச் சென்றிருந்தான். தலைவியைத் தான் பிரிந்த காலத்துக் 'கார் காலத்துத் தொடக்கத்து மீள்வதாக உறுதி கூறித்தான் சென்றனன் எனினும், எதிர்பார்த்தபடி போர் முடிவு பெறாததனால், அவனாற் போக முடியவில்லை. பாசறையிலே , யிருந்து, தன் மனைவிக்குத் தூதன் ஒருவனை அனுப்புகின்றான். அப்போது அவனிடம் கூறியது.)
மலைமிசைக் குலைஇய உருகெழு திருவில்
பணைமுழங்கு எழிலி பெளவம் வாங்கித் '
தாழ்பெயற் பெருநீர், வலன்ஏர்பு வளைஇ,
மாதிரம் புதைப்பப் பொழிதலின், காண்வர
நெருப்பின் அன்ன சிறுகட் பன்றி,
அயிர்க்கட் படாஅர்த் துஞ்சுபுறம் புதைய,
நறுவி முல்லை நாண்மலர் உதிரும்,
புறவு அடைந் திருந்த அருமுனை இயவிற்
எரிபுரை பன்மலர் பிறழ வாங்கி,
அரிஞர் யாத்த அலங்குதலைப் பெருஞ்சூடு
கள்ஆர் வினைஞர் களந்தொறும் மறுகும்
தண்ணடை தழிஇய கொடிநுடங்கு ஆர்எயில்
