பக்கம்:அடியுங்கள் சாவுமணி.pdf/32

விக்கிமூலம் இலிருந்து
இப்பக்கம் மெய்ப்பு பார்க்கப்பட்டுள்ளது
30

ஏதோ வசதிகள் இருக்கின்றன, செய்துவிட்டுப் போகிறார் என்கிறீரா? தொலையட்டும்.

இன்னும் ஒரு காட்சி. அபூர்வ அதிசயமல்ல: சர்வ சாதாரணமானதே.

நல்ல ஜாதி நாய். அதன் ஜடை இருக்கிறதே அது முதலாளி ஐயா கொஞ்சுகின்ற உயர்ந்த ரேட் தொழிற்லாளி'யின் பவுடர்க்கன்னத்தைப் போல அவ்வளவு பட்டுப் போன்றது. அது அந்த நாய்க்கு அந்த வீட்டிலே காண்பிக்கப்படும் கவனிப்பு, காதலன் காதலியரிடையே பரிமாறப்படும் அன்பு உபசரிப்பு மாதிரி, வேலையாட்கள் எல்லோரும் சின்ன முதலாளிக்குக் காட்டுகிற மரியாதை அந்த நாய்க்குக் காட்டவேண்டும், அந்த முதலாளி-நாய்க்கு என்று தனி வேலையாள். அதற்கு மாமிச உணவு, ரொட்டி, வெண்ணெய். உயர்ந்த பிஸ்கெட் தினுசு - அடாஅடா! பார்க்கின்ற யாருமே பொருமைப்பட வேண்டியது தான்.

மடையர்கள் சொல்லலாம் கொடுத்து வைத்த நாய், பிறந்தாலும் முதலாளி வீட்டு நாயாகப் பிறக்க வேண்டும்! என்று. அத்தகைய மடையர்களின் வாயிலே ஓங்கி அறையவேண்டும் முதலில். பிறகு, ஊதாரித்தனமாக பணத்தை வாரியிறைக்கிற பண மூட்டைகளின் - பரோபகாரம் பேசிப் பணத்தை நாசமாக்குகிற திமிர் தண்டிகளின்-மமதைக்கு சாவு மணி அடிக்கவேண்டும். இச்செயல்களை வளர்க்கின்ற அந்த இனத்துக்கே சாவு மணி அடித்தாக வேண்டும்.

பணம் படைத்த திமிறினால், அளவுக்கு அதிகமான வாழ்க்கை வசதிகள் பெற்றுவிட்ட கொழுப்பி