இப்பக்கம் மெய்ப்பு பார்க்கப்பட்டுள்ளது
அரும்புகள் மொட்டுகள் மலர்கள்/162
"நீ இனிமேல் யாரிடமும் முகவுரைக்காக அலையாதே...! முடவனுக்குத்தான் ஊன்றுகோல் தேவை!”
இதைச் சொன்னவுடன் நான் விடை பெற்றுக் கொண்டேன். உண்மையிலேயே தமிழக அரசு நடத்தும் பரிசுச்சீட்டில் ஓரிலக்கம் உருபா எனக்குக் கிடைத்திருந்தாலும் அவ்வளவு மகிழ்ச்சி ஏற்பட்டிருக்காது! அப்படித் திரும்பினேன்!
'நீ முழு நேரத் தமிழ்த் தொண்டனாக மாற வேண்டும்” -இது என் செவியில் இன்னும் எதிரொலிக்கிறது! நான் கண்டிப்பாக இன்னும் மாறவில்லை! காரணம் எனக்கு வயிறு என்று ஒன்று இருக்கிறது! அதுமட்டும் இருந்தால் கூடத் தாழ்வில்லை! என் மனைவி மக்களுக்கும் வயிறுண்டு!!
