D
dado : (க.க) பீட இடைக்கட்டு : (1) ஒரு பீடத்தின் அடிப்பகுதிக்கும் எழுதகத்திற்கும் இடையேயுள்ள இடைக்கட்டுப் பகுதி.
(2) ஒரு பீடத்தின் முகப்புகளில் ஒனறு.
(3) மூலைப் பொருத்துவாய் விளிம்பில் இசைப்பு வாய்வெட்டு.
dado and rabbet : (மர. வே.) இடைக்கட்டு மூலைப் பொருத்து வாய் : ஒரு பீட இடைக்கட்டுப் பகுதியுடன் பொருந்துமாறு விளிம்பில் இசைப்புவாய் வெட்டப்பட்ட ஓர் இணைப்பு.
dado saws : (மர. வே.) கொத்துரம்பம் : பீடத்தின் இடைக்கட்டுப் பகுதிகளை வெட்டுவதற்குப் பயன்படும் ரம்பங்களும் கொத்துக்கருவிகளும் இணைந்த ஒரு வெட்டுக் கருவி. இதனை குறிப்பிட்ட அளவு கனத்திற்கு ஒருங்கிணைத்துக் கொள்ளலாம்.
daguerreo-type : (ஒ. க) பாதரச ஆவி ஒளிப்படம் : பாதரச ஆவி மூலம் ஒளிப்படம் எடுக்கும் முறை. இந்த முறையைக் கண்டுபிடித்த ஃபிரெஞ்சுப் புத்தமைப்பாளர் டாகர் என்பாரின் பெயரினைக் கொண்டது.
dais : (க.க.) மேடையரங்கம் : அமரும் இடமும் மேற்கட்டியுமுள்ள தரைமட்டத்திலிருந்து சற்று உயர்வாகவுள்ள மேட்டிருக்கை.
dama-scening : இழைப்பு வேலைப்பாடு : எஃகு மீது செதுக்கு வேலைப்பாட்டுடன் உள்ளீடாகத் தங்கம் அல்லது வெள்ளி பதித்து இழைத்திடும் வேலைப்பாடு.
dammar : (வண்;அர.) சாயப்பிசின் : ஊசியிலை மரங்களினின்று எடுக்கப்பட்டு உருவாக்கப்பட்டு சாயஎண்ணெய் உருவாக்கப்பயன்படும் கெட்டிப்பிசின். இது ஆஸ்ரேலியாவிலும், தென் அமெரிக்காவிலும், உள்ள மரங்களிலிருந்து கிடைக்கிறது. இது சூடான ஆல்கஹால், பென்சீன், குளோரோபார்ம், ஈதர் ஆகியவற்றில் கரையும் தன்மையுடையது. இது வண்ணச் சாயங்கள் தயாரிக்கப் பயன்படுத்தப்படுகிறது.
damper : காற்றுத் தடுப்பான் : காற்று வீச்சினை முறைப்படுத்துவதற்குரிய ஒரு தகடு, காலதர், மூடி அல்லது வேறு சாதனம்.
damping : (மின்.) ஒடுக்கல் : மின்னியல் ஒலிப்பதிவு இசைக்கருவிகளில் ஒலியை இடுக்கி அல்லது திண்டு போன்ற பொருள் கொண்டு அடக்குதல்.
damping coil : (மின்.) ஒடுக்கு கம்பிச் சுருள் : ஒடுக்கு விளைவினை உண்டாக்குவதற்காக ஒரு மின்னோட்ட மானிக்கு அருகே பொருத்தி வைக்கப்படும் ஒரு கம்பிச் சுருள். இது,ஊசிமுனை பிறழ்வுற்ற பின்பு ஊசியை ஒரு நிலைப் புள்ளிக்குக் கொண்டுவர உதவுகிறது.
damping control : ஒடுக்கக் கட்டுப்பாடு : தொலைக்காட்சித் திரையில் இடதுபுறம் காணப்படும் கிடைமட்டத் திரிபினை அல்லது புடைப்பினை அகற்றுவதற்கு உதவுகிற ஒரு கட்டுப்பாட்டு அமைவு.
damp proofing : ஓதத் தடுப்பு : சுவற்றில் ஈரம் புகாதவாறு அல்
