136 அச்சுக்கோத்தல்
படம் 16. சுற்றுப்புறத்தில் அமைந்துள்ள துளைக் கருவிகளும் அவற்றின் செயல்முறைகளும் அடங்கிய ஒரு தொகு கணிப்பொறி வழி அச்சுக் கோப்புமுறை வேலைப் பாய்வுப் படம். இது ஒரு செய்தித்தாளுக்காக உருவாக்கப்பட்டுள்ளது. என்றாலும் செய்தி மலரை அச்சிடவோ, வணிகப் பயன்பாடுகளுக்கோ தேவையான அச்சுக்கோப்பு முறையின் வேலைப் பாய்வுப் படங்களையும் இதுபோலவே உருவாக்கலாம்.
தொகு அமைப்புமுறையில் அச்சுக்கோத்தல் (Total system type composition). ஓர் அச்சுப் படியை அச்சடிக்கும் தொகு அச்சடிப்பு அமைப்பைக் கணிப்பொறிகளும் பிற துணைக் கருவிகளும் அறிமுகப்படுத்த வழிவகுக்கின்றன. இது படம் 15 இல் உள்ளது. இதை அமெரிக்க நாட்டின் அரசு அச்சலுவலகமும் மெர்காந்தாலர் லைனோடைப் நிறுவனமும் உருவாக்கின, சன் கெமிக்கல் கார்ப்பரேஷனும் இதையொத்த ஓர் அமைப்பைக்கொண்டு செய்தித்தாள்களையும், புத்தகங்களையும் வெளியிட வழிவகுத்தது (படம் 16). இந்த அமைப்புகள் 1970க்குப் பிறகு அதிகமாயின. 1970இல் 10,000 சூட்டுலோக வரிவார்ப்பு அச்சு எந்திரங்கள் இருந்தன. 1974இல் அவை 3893 ஆகக் குறைந்தன, இதற்குக் காரணம் மீதி எத்திரங்களுக்குப்பதில் ஒளிமுறை அச்சுக்கோப்பு எந்திரங்கள் வழக்கிற்கு வந்தமையே ஆகும் (படம் 17). 1971இல் 16 ஒளிமுறை எழுத்துகாணும் அலகிடுவான்கள் மட்டுமேசெய்தித்தாள்களில் பயன்படுத்தப்பட்டன, இரண்டு ஆண்டுகளுக்குப் பிறகு இந்த அணுகுமுறை 377 ஆக உயர்ந்தது. (படம் 18). 1970இல் அகல்பட்டைக் காட்சி அமைப்புகள் 23
