பக்கம்:அறிவியல் களஞ்சியம் 1.pdf/52

16 அக்கூஸ்டிக்‌ நியுரோமா

எலக்ட்ரோ நிஸ்டாக்மோ கிராபியில்‌ (electro nystagmo graphy—E.N.G.) தூண்டுதல்‌ இன்றித்‌ தானே இயங்‌கும்‌ கண்‌ அசைவுகள்‌ தோன்றுதலும்‌ அக்கூஸ்டிக்‌ நியுரோமாக்‌ கட்டியின்‌ நோய்க்குறிகள்‌ ஆகும்‌.

நரம்பு மண்டல ஆய்வில்‌ தெரியக்‌ கூடிய நோய்க்குறிகள்‌

விழி அக நோக்கியில்‌ (Ophthalmoscope) பார்த்தால்‌ மண்டை ஓட்டின்‌ உள்‌ அழுத்த உயர்வினால்‌ கண்‌ விழியகத்தட்டு தெளிவின்றித்‌ தெரிதல் (blurring of optic disc), கண்‌ அசைவுகள்‌ பாதிப்பு (impaired occulomotor functions), முகத்தில் தசைகளின் அசைவு, சக்தி குறைதல்‌ ஆகிய இந்நோய்க்கான அறிகுறிகள்‌ தெரியும்‌.

அக்கூஸ்டிக்‌ நியுரோமா கட்டியின்‌ அளவையும்‌, இருக்‌கும்‌ இடத்தினையும்‌ கண்டறியக்‌ கதிர்வீச்சு பாலிடோ மோகிராபி, மைலோகிராபி (myelography), ஈ எம்‌.ஐ. ஸ்கான்‌ ஆகிய நவீன கருவிகளும்‌ ஆய்வு முறைகளும்‌ பெரிதும்‌ பயன்படுத்தப்படுகின்றன.

சிறுமூளை, பான்ஸ்‌ ஆகியவற்றின்‌ இடையில்‌ இரு புறமும்‌ ஏற்படும்‌ கோணப்பகுதியில்‌ ஏற்படக்கூடிய கட்டிகள்‌ ஆறு வகைப்படும்‌.

1. அக்கூஸ்டிக்‌ நியுரோமா
2. மூளை உறைகட்டி (meningioma)
3. எபிடெர்மாய்டு (Epidermoid)
4. புற்றுநோயில்‌ தோன்றும்‌ ஒருவகைக்‌ கட்டி (Metastatic neoplasm)
5. கிளையோமா (Glioma)
6. இரத்தக்‌ குழாய்களில்‌ ஏற்படும்‌ விரிவு (Aneurism of the arteries)

இவற்றிலிருந்து அக்கூஸ்டிக்‌ நியுரோமா கட்டியைப்‌ பிரித்து அறிய, முன்னர்‌ சொல்லப்பட்ட பல வகையான ஆய்வுகளையும்‌ செய்தல்‌ வேண்டும்‌.

செவியின்‌ பின்புறம்‌ மண்டை ஓட்டைத்‌ திறந்து சமநிலைக்‌ கருவியின்‌ ஊடே கட்டியை அணுகுதல்‌ (trans-labyrinthine approach)

சிகிச்சை முறை:

அக்கூஸ்டிக்‌ நியுரோமா நோய்‌ இருப்பது கண்டுபிடிக்‌கப்பட்டால்‌, அதனை அறுவை முறையால்‌ அகற்ற வேண்டும்‌. கட்டியின்‌ அளவு, நரம்பில்‌ அது வளர்ந்‌திருக்கும்‌ பகுதி, இவற்றைப்‌ பொறுத்து அறுவை முறை முடிவு செய்யப்படுகிறது. பொதுவாக, நரம்பு மண்டல அறுவை மருத்துவர்களும்‌ காது, மூக்கு, தொண்டை அறுவை மருத்துவர்களும்‌ அறுவைக்கென்று பயன்‌படுத்தும்‌ நுண்ணோக்கியின்‌ (operating microscope) உதவி கொண்டு இக்கட்டியை அகற்றுவார்கள்‌.

மண்டையின்‌ பக்கவாட்டு எலும்பைத்‌ (temporal bone) திறந்து நடுக்குழிவை அணுகுதல் (Middle cranial fossa approach)

உட்செவிக்‌ குழலில்‌ தோன்றும்‌ இந்த வகைக்‌கட்டியை அறுவை முறையில்‌ அகற்ற மூன்று அணுகு முறைகள்‌ உள்ளன. அவை: (1) செவியின்‌ பின்புறம்‌ மண்டை ஓட்டைத்‌ திறந்து சமநிலைக்‌ கருவியின்‌ வழியாகக்‌ கட்டியை அணுகுதல்‌, (2) மண்டையின்‌ பக்கவாட்டு எலும்பைத்‌ திறந்து நடுக்குழிவை அணுகுதல்‌, (3) பின்‌ மண்டை எலும்பைத்‌ திறந்து, பின்‌ குழிவை அணுகுதல்‌. சல வகைக்‌ கட்டிகளை அகற்ற ஒன்றுக்கு மேற்பட்ட அணுகுமுறைகள்‌ பயன்படுத்தப்படும்‌.

பா. இ.

நூலோதி

1. Geroge E. Shambaugh.Jr. M.D., Surgery of the Ear,