இப்பக்கம் மெய்ப்பு பார்க்கப்பட்டுள்ளது
60
ஒவ்வொரு சகாப்தமும், கருகி அழிந்து கொண்டிருக்கும் ஒரு கனவு; அல்லது, கருவில் உருக் கொண்டு இன்னும் பிறக்காத ஒரு கனவு.
—ஆர்த்தர் ஒ' ஷாக்னெஸ்ஸி
கடந்த காலத்தின் கதையைச் சொல்பவர்கள், வரலாற்று அறிஞர்கள். நிகழ்காலத்தின் கதையைச் சொல்பவர்கள், நாவலாசிரியர்கள்.
—எட்மண்ட், ஜூல்ஸ், தெ கோன் கூர்
வாழ்க்கையை நீ நேசிக்கிறாயா? அவ்வாறாயின், காலத்தை நீ விரயம் செய்யாதே. காலம் என்னும் கருப்பொருளைக் கொண்டு உருவாக்கப் பட்டதே, வாழ்க்கை.
—பெஞ்சமின் ஃபிராங்க்ளின்
காலங்கள், மாறுவதில்லை; மனிதர்கள்தான் மாறுகின்றனர்.
—திபெத் நாட்டுப் பழமொழி
'காலம் என்றால் என்ன?' என்றான், அவன். 'இப்போது' என்பதை நாய்களுக்கும் குரங்குகளுக்கும் ஒதுக்கு, 'எப்போதும்' என்பதே, மனிதனுக்கு உரியது.
—ராபர்ட் பிரெளனிங்
