135
99. முதல் செயற்கை மாற்றுத் தனிமமாக்கலை உற்றுநோக்கியவர் யார்?
ரூதர்போர்டு, 1919.
100. மின்னணுக்களோடு அலைகளை தொடர்புபடுத்தியவர் யார்?
டி புரோக்கிளி, 1923.
101. சாகா அணு இயற்பியல் நிறுவனம் எப்பொழுது எங்கு நிறுவப்பட்டது?
இந்நிறுவனம் 1948இல் சாகா அவர்களால் கல்கத்தாவில் நிறுவப்பட்டது. இந்தியாவில் முதல்முதலில் அணு இயற்பியல் கற்பிக்கப்படுவதற்கு இவரே காரணம்.
16. துகள் இயற்பியல்
1. துகள் என்றால் என்ன?
சிறியதாக உள்ள அடிப்படைப் பகுதி, எ-டு. முன்னணு, அல்லணு, மின்னணு.
2. துகள் இயற்பியல் என்றால் என்ன?
ஒரு பொருளிலுள்ள துகள்களை ஆராயுந் துறை.
3. அடிப்படைத் துகள்கள் என்றால் என்ன?
பிரிக்க இயலாத துகள்கள். இவற்றிலிருந்து எல்லாப் பொருளும் உண்டாகிறது.
4. இத்துகள்களின் இயல்புகள் யாவை?
நிறை, மின்னேற்றம், சுழற்சி, அயன்மை, கவர்ச்சி ஆகியவை. இவை கிட்டத்தட்ட எண்ணிக்கையில் 17.
5. ஒரு சில அடிப்படைத் துகள் யாவை?
லெப்டான்கள், ஹாட்ரன்கள், பேரியன்கள், மீசான்கள், பெர்மியான்கள், போசன்கள்.
6. சில அடிப்படைத் துகள்களின் வியத்தகு பண்பை முன்மொழிந்தவர் யார்?
1964இல் முர்ரே ஜெல் -மான் என்பார் முன்மொழிந்தார்.
7. போசான் என்னும் துகள் யார் பெயரால் அமைந்தது?
இந்திய அணு அறிவியலார் எஸ்.என். போஸ் என்பவர் பெயரால் அமைந்தது.
8. ஒமேகா - சுழித்துகள் எங்குக் கண்டுபிடிக்கப்பட்டது.