இப்பக்கம் மெய்ப்பு பார்க்கப்பட்டுள்ளது
16
- சிதறிய நிலை, தொடர் நிலை.
30.கரையம் (சால்) என்றால் என்ன?
- நீர்மத்திலுள்ள கூழ்மத் தொங்கல். இதில் திண்மத் துகள்கள் தொடர்ச்சியாகச் சிதறிக் காணப்படும். இது இழுமமாக மாறுவது.
31. கூழ்மத்திற்கு எடுத்துக்காட்டுகளாய் இருப்பவை யாவை?
- இழுமம், பால்மம், கரையம்.
32. நுண்புழைக் கவர்ச்சி என்றால் என்ன?
- நுண்புழைத்திறன். புவிஈர்ப்பு விசைக்கு எதிராக நீர்மங்கள் தாமாகவே ஒடுங்கிய திறப்புகளில் உயரும் நிகழ்ச்சி. இம்முறையில் நீர்மங்கள் உயர்வது அவற்றின் அடர்த்தியையும் நுண்புழைத் திறனையும் பொறுத்தது.
33. இதன் பயன்கள் யாவை?
- 1. நிலத்தடி நீர் இத்திறனாலேயே மேலே உயருகிறது. 2. இந்நீரை அதிகம் உறிஞ்சித் தாவரங்கள் பயன்படுத்திக் கொள்பவை.
34. நுண்புழை நீர் என்றால் என்ன?
- நுண்புழைக் கவர்ச்சியால் தாவரங்களில் ஏறும் நிலத்தடி நீர்.
35. இதன் பயன்கள் யாவை?
- 1. தாவரத் தண்டு வழியாக ஊட்டநீர் தாவரத்தில் மற்றப் பகுதிகளுக்குச் செல்லுதல்.
2. இந்நெறிமுறையில் தானே மைஉறிஞ்சும் பேனா, மை உறிஞ்சும் தாள், துவட்டும் பூத்துணித் துண்டுகள் எல்லாம் வேலை செய்கின்றன.
- 1. தாவரத் தண்டு வழியாக ஊட்டநீர் தாவரத்தில் மற்றப் பகுதிகளுக்குச் செல்லுதல்.
36. பரப்பு இழுவிசை என்றால் என்ன?
- மூலக்கூறுகளுக்கிடையே உள்ள கவர்ச்சி.
37. இவ்விசைக்கு ஓர் எடுத்துக்காட்டு தருக.
- நீர் மேல் குண்டுசி, பிளேடு மிதத்தல்.
38. இழுவிசையைக் குறைக்கும் பொருள் என்றால் என்ன?
- மேற்பரப்பு இழுவிசையைத் தாழ்த்தும் பொருள். எ-டு. சவர்க்காரம்.
39. உட்கவரல் என்றால் என்ன?
