இப்பக்கம் மெய்ப்பு பார்க்கப்பட்டுள்ளது
- நோய் பரப்பும் உயிரிகள். குயூலக்ஸ் பேட்டிகன்ஸ் யானைக் காலையும் அனோபிலிஸ் மலேரியாவையும் பரப்புபவை.
57. அனோபிலிஸ் கொசு என்றால் என்ன?
- மலேரியா நோயைப்பரப்புவது.
58. இதைக் கண்டறிந்தவர் யார்?
- சர் ரெனால்டு ராஸ்.
58. மின்மினி ஒளிர்வது எவ்வாறு?
- இதன் வயிற்றுத் துண்டங்களில் ஒளி உறுப்புகள் உள்ளன. இங்கு லுசிபெரின் என்னும் வேதிப்பொருள் லுசிபெரஸ் என்னும் நொதியினால் ஆக்ஸிஜன் ஏற்றம் பெறுவதால், நிற ஒளிர்வு இரவில் உண்டாகிறது.
60. சிலந்தியங்கள் என்றால் என்ன?
- கணுக்காலியின் ஒரு வகுப்பு. இதில் தேள், சிலந்தி முதலியவை அடங்கும்.
61. இவற்றின் சிறப்பியல்புகள் யாவை?
- 1. நிலத்தில் வாழ்பவை
2. உடல் மேற்பரப்பு அல்லது காற்றுக்குழல் மூலம் மூச்சு விடுபவை.
3. தலை, மார்பு, வயிறு என உடல் கண்டங்கள் பிரிந்திருக்கும்.
4. தலை - மார்பில் முதிர்ச்சி நிலையில் நான்கிணை கால்கள் இருக்கும்.
62. ஒட்டுறுப்பு என்றால் என்ன?
- இணையுறுப்பாக உள்ள புறவுறுப்பு. இவ்வுறுப்பு கணுக்காலிகளில் உண்டு. இணை இணையாக இருப்பது. இணையின் ஒவ்வொரு பகுதியும் கணுக்களால் ஆகியிருக்கும். இக்கணு அமைப்பே கணுக்காலிகளுக்கு அப்பெயர் வழங்கக் காரணம்.
63. ஒட்டுறப்புகளில் மிகப்பெரியது எது?
- யானையின் துதிக்கை.
64. உணரிகள் என்றால் என்ன?
- தலையில் பொருந்தி இருக்கும் கணுக்காலிகளின் ஒட்டுறுப்புகள்.
