இப்பக்கம் மெய்ப்பு பார்க்கப்பட்டுள்ளது
40
108. நகங்கள் என்பவை யாவை?
- உயர் வகை முதுகு எலும்புகளின் விரல் நுனியில் காணப் படும் தட்டையான கடினத்தகடுகள். தேயத்தேய அல்லது நறுக்க நறுக்க வளரக்கூடியவை.
109. நீந்துயிர்கள் என்பவை யாவை?
- ஏரி, கடல், பெருங்கடல் ஆகியவற்றில் வீறுடன் நீந்தும்
விலங்குகள். எ-டு மீன், சுறா, திமிங்கிலம்.
110. நாற்கால் விலங்குகள் யாவை?
- மான், மாடு, தவளை, ஓணான் முதலியவை.
111. முத்துச்சாரம் என்றால் என்ன?
- மீன்செதில்களிலிருந்து பெறப்படும் வெண்ணிறப்பற்கள். செயற்கை முத்துகள் செய்ய பயன்படுவது.
112. முத்து என்றால் என்ன?
- முத்துச் சிப்பியினால் உண்டாக்கப்படும் பொருள்.
113. முத்து எவ்வாறு உண்டாகிறது?
- சிப்பியின் கூட்டிற்குள் மூடகத்திற்கும் ஓட்டிற்கும் இடையில் மணல், துகள் முதலியவற்றில் ஏதாவது ஒன்று சேரும்பொழுது அதைச் சுற்றி மூடகம் ஓர் உறையை உண்டாக்கும். இதுவே பின் முத்துகளாக வளர்வது.
7. கண்ணறையும் திசுவும்
1. கண்ணறை (செல்) என்றால் என்ன?
- உயிர்ப்பொருள் நிரம்பியதே கண்ணறை. இது உயிரின் அமைப்பலகும் வேலையலகும் ஆகும்.
2. கண்ணறையிலுள்ள உயிர்ப்பொருள்களுக்கு என்ன பெயர்?
- முன் கணியம் (புரோட்டோபிளாசம்)
3. கண்ணறையில் கண்ணறைப் படலத்திற்கும் உட்கருவிற்கும் இடையிலுள்ள பகுதியின் பெயர் என்ன?
- கண்ணறைக் கணியம் (சைட்டோபிளாசம்)
4. கண்ணறையின் இன்றியமையாப் பகுதி எது?