என் பிரியமுள்ள சிநேகிதனுக்கு
68
மனைவியும் உனக்குச் சிப்பக் கட்டுக் கட்டுகிறாள். இருந்தாலும் உன் யோக்யதைக்கேற்றபடி ஒரு நல்ல ஸ்தாபனத்தில்—உனக்காக இல்லாவிட்டாலும்—
யார் என்ன செய்தாலும், செய்யக் காத்திருந்தாலும், அதைத் தடுக்க, விதி என்று இருக்கத்தான் செய்கிறது போலும். உன் விதியின் பெயர் அனு. உனக்கு உதவி செய்யவும் என்னை விடமாட்டாள். அவளுடைய சகஜபாவம், புன்னகை, சிரிக்கையில் மூக்குத்தண்டின் சுருக்கத்தின் பின்னால் ஒரு அழுத்தம், இறுமாப்பு, அவளுக்கென்று ஒரு குணம்—எனக்குத் தெரிகிறதே! என்னிடமிருந்து ஒரு தித்திப்புப் பண்டப் பெட்டி, கேக் பெட்டி, பழக்கூடைஊஹூம், “No Thank you!” ஆனால் வரும்போதெல்லாம், நான் டிபன், சாங்கோபாங்கமா சாப்பாடு—நானும் சாப்பிடுகிறேன். என் ரோகம் எங்கே போச்சு? The Witch!
இப்ப எல்லாம் உன் வீட்டுக்கு வராமல் முடியவில்லை. ராச்சாப்பாடு ஆகி, அவளுக்குக் காரியம் முடிந்து, மொட்டை மாடியில் நம் மூவர் பேச்சு, அதற்காகவே வருகிறேன். The அனு magic. வெளிக்குத் தெரியாமல், அரித்து அரித்து, உள்ளே சந்தனம், ஜவ்வாது, அத்தர், குங்குமப்பூ கமாளிதம். Oh God! என்னில் நிகழ்ந்துகொண்டிருக்கும் ரசாயனம் எனக்கும் தெரியாமலே...அந்தப் பேச்சு எனக்கு வேண்டியிருந்தது. உள்ளே ஏதேதோ ரணங்கள் ஆற்றும் தைலம் போன்ற பேச்சு.
பாஸ்கர், அனு, ஏதோ பேரழகு என்று சொல்லிக்கலாமே தவிர, அனு அழகு அல்ல. அவள் நெற்றி மேடு. பெண் பிள்ளைக்கு அதிகம். வாய் வார்ப்பு இன்னும் சற்று சின்னதாயிருக்கலாம். உயரம் இன்னும் ஒரு அங்குலம் கூடணும், She should Watch her figure. A bit on the buxon side, பிறத்தியான் பெண்டாட்டியை—அதுவும்
அ,—5
