பக்கம்:அ. மருதகாசி-பாடல்கள்.pdf/291

விக்கிமூலம் இல் இருந்து
Jump to navigation Jump to search
இந்த பக்கம் மெய்ப்பு பார்க்கப்பட்டுள்ளது
291


சிரிப்பு.... .... .... ... இதன்

சிறப்பை சீர்தூக்கி பார்ப்பது நமது பொறுப்பு!...

கறுப்பா வெளுப்பா என்பதை எடுத்துக்

காட்டும் கண்ணாடி சிரிப்பு-மனம்

கறுப்பா வெளுப்பா என்பதை எடுத்துக்

காட்டும் கண்ணாடி சிரிப்பு


இது

களைப்பை நீக்கி கவலையைப் போக்கி,

மூளைச் குத் தரும் சுறு சுறுப்பு ....

துன்ப வாழ்விலும் இன்பம் கானும்

விந்தை புரிவது சிரிப்பு ! இதைத்

துணையாய்க் கொள்ளும் மக்களின் முகத்தில்

துலங்கிடும் தனி செழிப்பு !


பாதையில் போகும் பெண்ணைப் பார்த்துப்

பல்லிளிப்பதும் ஒரு வகைச் சிரிப்பு-அதன்

பலனாய் உடனே பரிசாய் கிடைப்பது

காதறுந்த பழஞ் செருப்பு!


சிந்திக்கத் தெரிந்த மனித குலத்துக்கே

சொந்தமான கையிருப்பு!. வேறு

ஜீவ ராசிகள் செய்ய முடியாத

செயலாகும் இந்த சிரிப்பு !