22
ஆண்டாள்
தண்ணிய தழையை உடுத்திக் கொள்ளக் குருத்தமரம் வளைந்திட மிதித்துத் தந்த கண்ணன்போல என்று உவமை சொல்லும் முகத்தான்,
- வண்புனல் தொழுநை வார்மணல் அகன்றுறை
- அண்ட மகளிர் தண்டழை உடீஇயர்
- மரஞ்செல மிதித்த மாஅல் போல - அகநானூறு 59: 4-6
என்று மதுரை மருதனிள நாகனார் கூறுகின்றார்."25 இதே போன்று பின்னும் சிலவிடங்கள் இந்நூலுள் காணக்கிடக்கின்றன."26 (அகநானூறு: 175; 15-16; அகநானூறு 360)
இனி, கற்றறிந்தாரேத்தும் கலித்தொகை தேன் செறிந்த மொழிகளானும் தெள்ளிய உருவகங்களாலுமியன்று கற்றோர் கருத்தைக் கவர்கின்றது. இந்நூலில் கண்ணனது பிள்ளைமை வரலாற்றுச் செயல்கள் கூறப்படுகின்றன."27 (முல்லைக்கலி; 18-20; நெய்தற்கலி; 214:1, 184: 1-3).
- மேவார்ர விடுத்தந்த கூந்தற் குதிரையை
- வாய்ப் பகுத்திட்டுப் புடைத்த ஞான்றின் னன்கொள்
- மாயோ னென்று:28
-முல்லைக்கலி; 103:5-53
என்னும் ஒரு சான்றினைக் காட்டி, விரிவஞ்சி விடுத்துச் செல்லுகின்றேன்.
இவ்வாறே 'ஒங்கு பரிபாடல்' என்று ஆன்றோர் குறிக்கின்ற நூல், பேரின்பமும் சிற்றின்பமும் ஆக இருவகைப் பகுதிகளையும் கூறிச் சிறப்புறுகின்றது. அதில் 'திருமாற்கு இருநான்கு' என்று கூறப்படுகின்றது; இப்பொழுது ஏழு பாடல்கள் அச்சில் வந்துள்ளன. எட்டுத்தொகை நூல்களுள் விரிவாக உய்த்துணரும் வண்ணம் இந்நூலில் தான் மாலவன் குன்றங்களும், செயல்களும் விளக்கம் பெறுகின்றன.
