இப்பக்கம் மெய்ப்பு பார்க்கப்பட்டுள்ளது
நான் யார் ?
தெய்வவெறி கொண்டஇப் பாவலன் தோழரே,
கிழக்கையோ மேற்கையோ
சேர்ந்திட்ட ஒருவன் அல்லேன்;
மெய்என்று உணர்ந்ததை வையத்திற் குரைக்கிறேன்
மேன்மையாய்ப் புகழும்எந்
நாட்டையும் சேர்ந்தேனலேன்;
பொய்வந்த மதவாணர் புரட்டினில் சிக்கிலேன்;
புதுநா ரிகத்தினுள்
புகுந்துநுனிக் கொம்பேறிலேன்;
கைவந்த நண்பரும் காணாத பகைவரும்
காதலித் துவப்பதில்லை,
கருத்தொன்று படுவதிலைஏன்?
நெய்வந்த தேனையும், நேர்எதிர் நஞ்சையும்
நிறையையும் குறையையும்
பகுத்தறிந்து உணர்பவன் நான்!
மெய்யினை அறிபவன் உண்மையை உணர்பவன்
மேவு குப்பைமேட்டினை
மேரு எனக்கொள்கிலேனே.
22
