பக்கம்:இராக்கெட்டுகள்.pdf/34

விக்கிமூலம் இலிருந்து
இப்பக்கம் மெய்ப்பு பார்க்கப்பட்டுள்ளது

இராக்கெட்டின் இயக்கம்

28


விடுங்கால் அது வேகமாகத் தள்ளிக்கொண்டு வெளிவருகின்றது. இங்ஙனம் வேகமாகத் தள்ளிக்கொண்டு வெளிவரும் காற்றின் விசை பலூனை அறையில் சுற்றிச்சுற்றிப் பறக்கச் செய்கின்றது. இந்த முறையில்தான் இராக்கெட்டும் மேலெழும்பிச் செல்லுகின்றது.

படம் 10 : இராக்கெட்டு மேலெழும்பிச் செல்லுதல்

இராக்கெட்டின் வால்பக்கமாக வாயுக்கள் வேகமாக வெளி வருவதால் அது வேகமாக மேலெழும்பிச் செல்ல முடிகின்றது. பலூனை மேலே பறந்து செல்ல அனுப்புவதற்குக் காற்று பயன்படுத்தப்பெற்றது. காற்று பல வாயுக்களாலானது என்பதை நாம் அறிவோம். ஆனால், இராக்கெட்டில் காற்று பயன்படுத்தப்பெறுவதில்லை.