பக்கம்:இலக்கியத் துறையில் தமிழ் வளர்ச்சிக்குரிய ஆக்கப் பணிகள்.pdf/4

முன்னுரை

⁠விலங்கினின்று மாந்தனை வேறுபிரிக்கும் சில கூறுபாடுகளில் தலையாயது மொழி. கல்லாத ஒருவனின்று கற்றவனை வேறுபடுத்திக் காட்டுவதும் மொழியே. பிறவிச் சிறப்புக்கும்கூட மொழியை அடிப்படையாக்குகின்றது வள்ளுவர் வாய்மொழி. (குறள் : 959). தெளிவான மொழி தெளிவான எண்ணங்களின் வெளிப்பாடு. நன்றாக எண்ணத் தெரிந்தவன் நல்ல மொழியைப் பயன்படுத்துகின்றான். தெளிவற்றவனே மொழியைக் குழப்புகின்றான்.

⁠பேச்சை அடிப்படையாகக் கொண்டிருந்த மொழி எழுத்தையும் அடியொற்றி வாழத் தொடங்கியது மாந்த நாகரிகத்தின் இரண்டாவது படிநிலை ! எனவே பேச்சும் எழுத்தும், மொழிக்குப் பிறந்த வீடும் புகுந்த வீடுமாகும். ஒரு பெண் பிறந்த வீட்டில் வளர்ச்சியுற்றுப் புகுந்த வீட்டில் மலர்ச்சியுறுவதுபோல், மொழி, பேச்சு வழக்கில் வளர்ச்சியுற்று, எழுத்து வழக்கில் மலர்ச்சியுறுகின்றது.

⁠மொழிக்குத் தலைவன் மொழியாளுநனாகிய எழுத்தாசிரியனே! அவனே இலக்கண ஆண் குழந்தைகளையும்