புதுநெறி காட்டிய புலவன் இந்திய தேசிய விடுதலை விழாவினைச் சிறப்பாகக் கொண்டாடுகிறோம். பாரத நாடு அடிமைத் தளையில் கட்டுண்டு கிடந்த அந்நாளில் தமது தேசிய கீதங்களால் நாட்டு மக்களைத் தட்டி எழுப்பிய ஒரு பெரிய கவிஞரின் திருநாளினையும் நாம் கொண்டாடுகின்றோம். i மகாகவி பாரதி சின்னஞ்சிறு வயதிலேயே பாடல்கள் புனையும் கவித்திறம் வாய்க்கப் பெற்றார். எட்டைய புர சமஸ்தானத்தில் அவர் தந்தையார் சின்னசாமி ஐயர் வேலையில் இருந்தார். பெரும் புலவர்களும் பாராட்டும் கவிவன்மை பாரதியிடம் காணப்பட்டதால் பாரதி' என்ற பெயர்-கல்விக்கு அதிதேவதையான சரசுவதியின் பெயர்இவருக்குப் புலவர்களால் வழங்கப்பட்டது. பாரதி வறுமை யிலே வாடிய புலவர்; ஆயினும் வறுமையிற் செம்மை கண்டவர். எந்தச் சூழ்நிலையிலும் நாட்டு விடுதலைக்குப் பாடுபடும் நல்ல குறிக்கோளினை மறவாதவர்; கை விடாதவர். குறிக்கோள் நிறைந்த-பிறருக்குப் பயனளிக் கும்-வாழ்க்கை வாழ்ந்தவர். - இவர் தொண்டுகள் பல திறத்தன. நாட்டிற்கும், மொழிக்கும், பெண் சமூகத்திற்கும் சமுதாயப் பொதுமைக்கும் இவர் ஆற்றிய பணிகள் அளவிடற்கரியன. முதலாவது இவர் நாட்டிற்காக ஆற்றிய நற்பணி களைக் காண்போம். ==
