93
பின்னிணைப்பு
காற்று மண்டலம் (Atmosphere) : பூமியைச் சுற்றிலும் காற்று சூழ்ந்துள்ள பகுதியே இது.
சுற்று (Cycle): ஒரு மின் - காந்த அலையின் முற்றுப், பெற்ற அதிர்வே சுற்று என்பது. ஒலி பரப்பு நிலையத்திலிருந்து ஒவ்வொரு வினாடியிலும் வெளிவரும் அலைகளை இந்த அளவால் குறிப்பர்.
திசை காட்டி (Compass) : கடலில் திசையறியவும், நீல அளவுகட்கும் பயன்படும் ஒரு கருவி. இதிலுள்ள முள் வடதிசையையே காட்டும்.
தொலைக்காட்சி (Television): ஓரிடத்தில் நடைபெறும் காட்சிகளைத் தொலைவிலுள்ளோரும் கண்டுகளிக்க அமைக்கப்பெற்ற அமைப்பு இது. வானொலி நிகழ்ச்சிகளைக் காதினால் அனுபவிப்பது போல் தொலைக்காட்சி நிகழ்ச்சிகளைக் கண்களினால் அனுபவிக்கலாம்.
தொலை பேசி (Telephone) : ஓரிடத்திலிருப்போர் தொலைவிலுள்ளோரிடம் பேசுவதற்கான அமைப்பு. இது கம்பி வழியாகச் செல்லும் மின்னாற்றலின் துணையால் இயங்குகின்றது.
மாறலைகள் (Modulated Waves) : பாடுவோரின் அல்லது பேசுவோரின் குரல் மாறுபாடுகளுக்கேற்ப ஒலிவாங்கியின் உட்புறத்தில் தோன்றும் மின்னோட்டத்தின் வன்மை மாறுபடுவதால், அலைகளின் உயரமும் மாறுபடுகின்றது. இந்த மாறுபட்ட அலைகளே 'மாறலைகள்'.
மின் - காந்தம் (Electro-magnet) : மின்னாற்றல் பாயும் பொழுது காந்தமாக மாறக்கூடியதும் கம்பிகளால் சுற்றப் பெற்றதுமான தேனிரும்புத்துண்டு இப்பெயர் பெறுகின்றது.
மின் சுற்று (Electric Circuit) : ஒரு மின்னோட்டம் செல்லக் கூடிய முற்றுப்பெற்ற வழி.
