பக்கம்:இளையர் அறிவியல் களஞ்சியம்.pdf/147

விக்கிமூலம் இலிருந்து
இப்பக்கம் மெய்ப்பு பார்க்கப்பட்டுள்ளது

கிரேன்

137

‘ஒலியைப் பதிவு செய்தல்’ என்பது இதற்குப் பொருளாகும், அதன்பின் இக்கருவியில் பல

கிராமபோன் இசைத் தட்டுகள்

மாற்றங்களைச் செய்து திருத்தியமைத்தார். புத்தாக்கம் செய்யப்பட்ட இக்கருவியை 'கிராம போன்’ என அழைக்கலானார்.

இனி, ஒலிப்பதிவு செய்யும் முறையைப் பார்ப்போம். பேசுபவர் அல்லது பாடுபவர் 'மைக்ரோபோன்’ எனும் கருவி முன் இருந்தபடி பேசுவார் அல்லது பாடுவார். இக்கருவி அவர் எழுப்பும் ஒலியை மின் அலைகளாக மாற்றும். அம் மின் அலையின் ஒலிக்கேற்ப ஒலிப்பதிவுக் கருவியில் இணைக்கப்பட்டுள்ள ஊசி அசைந்து, மெழுகுத் தட்டின்மீது மெல்லிய கோடுகளாகப் பதியும். இம் மெழுகுத் தட்டு உறையும் தன்மை கொண்டது. எனவே, அரக்கு, கார்பன் போன்றவைகளைக்கொண்டு கெட்டித் தட்டுகள் பதிவு செய்த மெழுகுத் தட்டால் உருவாக்கப்படுகிறது. ஒரே மெழுகுத தட்டைக் கொண்டு வேண்டிய அளவு பிரதிகள் எடுக்க முடியும்.

இவ்வாறு ஒலிப்பதிவு செய்யப்பட்ட தட்டிலிருந்து ஒலியை வெளிப்படுத்தும் தனிக் கருவி உண்டு. அதற்குக் 'கிராமபோன் பெட்டி’ என்று பெயர். அப்பெட்டியில் வட்ட வடிவிலான ஒலிப்பதிவுத் தட்டை வைக்க ஒரு மேடைப் பகுதி உண்டு. அதன் அடிப்பகுதியில் ஒலியை வெளிப்படுத்தும் ஒலிப்பெட்டி உண்டு. அப்பெட்டியின் ஒரு மூலையில் கூர்மையான சிறு ஊசியைப் பொருத்தும் சிறு கருவி உண்டு. அதில் ஊசியைப் பொருத்தி, சுழலும் ஒலித்தட்டின் ஓரத்திலிருந்து தொடங்கும் மெல்லிய கோட்டின்மீது வைத்தால், கோட்டின் மேடு பள்ளங்களுக்கேற்ப பதிவான ஒலி முழுமையாகவெளிப்படும் வகையில் ஊசியில் அதிர்வேற்படும். ஊசியுடன் இணைக்கப்பட்டுள்ள இடைத்திரை ஊசியின் அதிர்வுக்கேற்ப அதிர்ந்து ஒலி அலைகளை வெளிப்படுத்தும். அவ்வொலி அலைகளையே பேச்சாகவும் பாட்டாகவும் மீண்டும் கேட்டு மகிழ்கிறோம்.

கிராமபோன் பெட்டி இயங்க அவ்வப்போது சாவி கொடுத்து இயக்க வேண்டும். ஊசியின் கூர் மழுங்கினால் வேறு கூர் உள்ள ஊசியை மாற்றிப் பொருத்திட வேண்டும்.

அண்மைக் காலத்தில் சாவி கொடுக்காமல் மின் விசையால் இயங்கும் கிராமபோன் பெட்டிகள் தயாரிக்கப்பட்டுள்ளன. அவ்வாறே ஒரு இசைத்தட்டு முடிந்தவுடன் வேறு இசைத் தட்டை தானாக மாற்றிக்கொள்ளும் வசதிகளும் இதில் உள்ளன.


கிரேன் : . இது 'பளுதூக்கி' எனத் தமிழில் அழைக்கப்படுகிறது. இவ்வியந்திரம் கனமான பொருட்களைத் தூக்கப் பயன்படுகிறது. இதன் மூலம் உயரமான இடத்திலுள்ள பொருட்களை கீழே இறக்கி வைக்கலாம். ஓரிடத்தில் உள்ள கனமான பொருட்களைக் குறிப்பிட்ட தூரத்திற்குட்பட்ட வேறொரு இடத்தில் தூக்கி வைக்கலாம். கனமான பொருட்களை கப்பல் அல்லது லாரி போன்றவற்றிலிருந்து இறக்கவும், ஏற்றவும் இவ்வியந்திரமே பயன்படுத்தப்படுகிறது.

பளுதூக்கி எந்திரத்தில் நான்கு முக்கிய பகுதிகள் உண்டு. எந்திரத்தை இயக்குபவர் அமாந்திருக்கும் கூண்டுப் பகுதி. இதில் கிரேனை இயக்கக் கூடிய பல்வேறு பொறிகள் உள்ளன. இக்கூண்டு நகர்வதற்கேற்ப பக்கத்துக்கு இரண்டாக நான்கு சக்கரங்கள் உருளை வடிவில் அமைந்திருக்கும். இவ்