இப்பக்கம் மெய்ப்பு பார்க்கப்பட்டுள்ளது
குட்டி நாய்:
அப்பா, உயர்ந்த ஜாதியென
அனைவரும் நம்மைப் போற்றுகிறார்.
அப்படி யிருந்தும் எனைப்பார்த்தே
ஆத்திரக் கூச்சல் இவைபோட,
கண்டும் சும்மா செல்கின்றாய்.
கடித்துக் கொன்றிட வேண்டாமா?
என்னே துணிச்சல் இவைகட்கு!
இவற்றைச் சும்மா விடலாமா?
அப்பா நாய்:
கட்டிக் கரும்பே, கண்மணியே,
கண்டேன்; கேட்டேன் அத்தனையும்.
எட்டி நின்றே குலைக்கின்ற
இந்தக் கோழை நாய்களெலாம்
உலகில் இருக்கும் வரையில்தான்
‘உயர்ந்த ஜாதி’ நாயென்றே
பலரும் நம்மை அழைத்திடுவார்;
பாராட் டெல்லாம் கூறிடுவார்.
ஒன்றுடன் மற்றொன் றிருந்தாலே
உயர்ந்தது எதுவென் றறிந்திடலாம்.
நன்றாய் வாழ இந்நாய்கள்
நாமும் வாழ்த்துக் கூறிடுவோம்.
78
