இப்பக்கம் மெய்ப்பு பார்க்கப்பட்டுள்ளது
ஓங்கிய கையோ அவர்தலையின்
உச்சியில் ‘பட்’டென வீழ்ந்ததுவே.
ஆங்கே தப்பிப் பிழைத்தகொசு
அவரைப் பார்த்துக் கேட்டதுவே:
‘சின்னஞ் சிறிய என்கடியைச்
சிறிதும் பொறுத்திட முடியாமல்,
என்னை அடித்துக் கொன்றிடவே
எத்தனம் செய்தீர். இப்பொழுது—
‘பட்’டென உமது தலைமீதே
பலமாய் அடித்த உம்கையை
வெட்டி எறிந்து விடுவீரோ?
வேறு தண்டனை கொடுப்பீரோ?’
கொசுவின் வார்த்தையைக் கேட்டதுமே
கூறினர் அந்த மனிதருமே;
‘கொசுவே,இன்று தப்பியதால்
குறும்பாய்க் கேள்வி கேட்கின்றாய்.
வேண்டும் என்றே என்தலையை
விரும்பிக் கடித்த கொசுவே, கேள்.
வேண்டும் என்றா என்கையும்
வேதனை தந்தது? யோசனைசெய்.
87
