பக்கம்:உடற்கல்வியைக் கற்பிக்கும் முறைகள்.pdf/100

விக்கிமூலம் இல் இருந்து
Jump to navigation Jump to search
இந்தப் பக்கம் சரிபார்க்கப்பட்டது.

98

7. ஆசனத்தை ஆரம்பிக்கிறபோது மூச்சிழுத்து, முடிக்கிறபோது மூச்சுவிடுகிற முறையில் பயிற்சியளிக்க வேண்டும்.

8. ஆசனம் செய்து முடிக்கிறபோது சவாசனம் என்கிற ஆசனத்தை செய்யுமாறு அறிவுறுத்தி முடித்திட வேண்டும்.

9. ஆசனங்கள் செய்கிறபோது, ஆசிரியர் கட்டாயம் அருகே இருந்து, கவனித்து, கண்காணித்து, தொடர வேண்டும். சூரிய நமஸ்காரம் என்ற ஆசனத்தை மாணவர்களுக்குக் கற்பிக்கலாம்.

குறிப்பு : பயன் தரும் யோகாசனப் பயிற்சிகள் என்னும் என் புத்தகத்தில் விரிவாக எழுதியிருக்கிறேன். ஆசிரியர்கள் படித்தும் படிப்பித்தும் பயன் பெறுமாறு கேட்டுக் கொள்கிறேன்.

3. அணி நடைப் பயிற்சி (Marching)

அணி நடைப் பயிற்சி, மாணவ மாணவியர்க்கு மிகவும் அவசியமாகும். உடற்கல்விப் பாடத்திட்டத்தில், கட்டாயம் சேர்க்கப்பட வேண்டிய பாடமாகும்.

ஒழுங்கு (Discipline); கட்டளைக்குக் கீழ்ப்ப டிதல் (obedience); தாளலய உணர்வு (Rhythm); நல்ல உடல் தோரணை (Good posture), குழு உணர்வு (Group sense) முதலிய பண்புகளை அணி நடைப் பயிற்சி மாணவர்க்கு அருமையாக வளர்த்து விடுகிறது.

அணி நடைப் பயிற்சியைக் கற்றுத் தர, அடிப்படை இயக்கம் பற்றிய குறிப்புக்களை, ஆசிரியர் விளக்கமாக முதலில் கூற வேண்டும்.