பக்கம்:உடற்கல்வியைக் கற்பிக்கும் முறைகள்.pdf/50

விக்கிமூலம் இலிருந்து
இப்பக்கம் சரிபார்க்கப்பட்டது.

48

3. ஆசிரியரின் சரியான நேரத்தில் வருதல். மாணவர்கள் சீருடையைக் கவனித்தல், கண்காணித்தல், திருத்துதல், குறித்த நேரத்தில் பாடம் கற்றுத் தருதல், வகுப்பைக் கலைத்தல், மனக்கட்டுப்பாட்டையும் மாணவர்களின் உடல் கட்டுப்பாட்டையும் மிகுதியாகவே வளர்த்துவிடும் வேகம் கொண்டவையாகும்

மேலும், குறும்பும், குதர்க்கமும், குறுக்குவழிகளில் சந்தோஷப்படும் மாணவர்களும் இருக்கத்தான் செய்வார்கள். இவர்களுக்கு ஒரு பொறுப்பை அளிக்கிறபோது, அவர்களின் வழிமுறை மாற்றம் காணும். வகுப்பில் அமைதியும் செயல் திறமும் அதிகமாகிவிடும்.

இறுதியாக, மாணவர்களிடையே போட்டிகள், விளையாட்டுக்கள் நடக்கிறபோது, சரிசமமான திறமை. எடை என்று சீராகப்பார்த்து, போட்டி நடத்துவது, எல்லோருக்குமே இன்பம் பயக்கக் கூடியதாக அமையும்.

இனி, வகுப்பறை நிர்வாகத்தை, சிறப்பாக நடத்திட முக்கியமான குறிப்புகளைத் தொகுத்துத்தந்திருக்கிறோம்.

1. ஆசிரியர் பயிற்சிக்கு, பொருத்தமான உடை அணிந்திருக்க வேண்டும்.

2. அதுபோலவே, மாணவர்களையும் சீருடைஅணிந்து வரச்செய்ய வேண்டும்.

3. மாணவர்களுக்கும் நிர்வாகப் பொறுப்பினை வளர்ப்பது போல, வாய்ப்புகளை வழங்க வேண்டும்.

4. ஆசிரியர், தான் கற்றுத்தரப் போகிற பாடத்தை, சிறப்பாகத் தயாரித்துச் செல்ல வேண்டும்.