69
ஆசிரியர் இந்த நான்கு திறன்களையும், படிப்படியாக மாணவர்களுக்கு செய்து காட்டுதல்.
4. பழகும் பயிற்சியளித்தல்
எல்லா மாணவர்களையும் சிறு சிறு குழுக்களாகப் பிரித்து, பார்த்துத் தெரிந்து கொண்ட திறன் நுணுக்கங்களை, பழகிக் கொள்ளச் செய்தல்.
ஒவ்வொரு குழு செய்கின்ற பழகிடும் முறையைப் பார்க்க, ஆசிரியர் ஆங்காங்கே சென்று பார்த்து, தவறுகளைத் திருத்திக் காட்டி, பல முறை செய்திட உதவ வேண்டும்.
5. போட்டி வைத்தல்
கற்றுக் கொண்ட திறன்களைப் பின்பற்றி, மாணவர்களில் யார் அதிக தூரம் தாண்டுகிறார் என்பதற்காக, ஒரு போட்டியை ஆசிரியர் நடத்தலாம்.
6. அணியில் நிறுத்தி வகுப்பைக் கலைத்தல்
வகுப்பு நேரம் முடிந்தவுடன் மாணவர்களை, ஒற்றை அணியில் நிற்கச் செய்து, வகுப்பைக் கலைத்து, அனுப்பி விட வேண்டும்.
குறிப்பு: கற்பிக்கும் வகுப்பு நேரத்தில் (instruction period) கற்றுத் தந்த பாடங்களை, மறு வகுப்புக்கு மாணவர்கள் வரும் போது, திரும்பச் செய்யுமாறு பணித்து, நேர்கின்ற தவறுகளைத் திருத்தும் முயற்சியை ஆசிரியர் மேற்கொண்டு, பிறகு புதிய பாடத்திற்குப் போகலாம்.
