இப்பக்கம் மெய்ப்பு பார்க்கப்பட்டுள்ளது
உணர்வின் எல்லை
35
‘இல்லா கியரோ காலை மாலை!
அல்லா கியர்யான் வாழு நாளே!
நடுகற் பீலி சூட்டி தாரரி
சிறுகலத் துகப்பவுங் கொள்வன் கொல்லோ
கோடுயர் பிறங்குடலை கெழீஇய
நாடுடன் கொடுப்பவுங் கொள்ளா தோனே!’
- புறம். 235
இப்பாட்டை ஒருமுறை அன்றிப் பலமுறை படிக்க வேண்டும். அதிகமானையும், ஒளவையாரையும், அவர் தம் உயரிய நட்பையும் நினைந்து நினைந்து. படிக்க வேண்டும். அப்போது நம் சிந்தனை விண் ணில், ‘உணர்வின் வித்து உடலை மறந்து, உள்ளத்தையும் மறந்து, உயிரையும் மறப்பதுதான்; உணர்வின் எல்லையோ உடலைத் துறந்து, உள்ளத்தையும் துறந்து, உயிரையும் துறப்பதுதான்’ என்ற கருத்து மின்னல் ஒன்று ஒளி வீசும்.
