இப்பக்கம் மெய்ப்பு பார்க்கப்பட்டுள்ளது
118
உலக அறிஞர்களின்
உலோபியிடம் எது உண்டு? எது இல்லை? அவனிடம் உள்ளவைகளும் கிடையா, இல்லாதவைகளும் கிடையா
-பப்ளியஸ் ஸைரஸ்
உலோபி தன்னை இழந்து தன் ஊழியனுக்கு அடிமையாகி அவனையே தெய்வமாக அங்கீகரித்து விடுகிறான்.
-பென்
உயர்ந்த நன்மைகள்- அவைகளைப் பணத்தால் பெற முடியாது. பெரிய தீமைகள்- அவைகளைப் பணத்தால் பெற முடியாது. இதை உணர்ந்துவிட்டால் பணஆசை என்னும் நோய் எளிதில் நிவர்த்தியாய்விடும்.
-கோல்ட்டன்
திருடரில் திருடன் இங்கே உளன், அவன் தன்னையே கொள்ளையிட்டவன்.
-உலோபியின் கல்லறை எழுத்து
உலோபிகள் உறவினருமாகார், நண்பருமாகார், -மனிதப் பிறவிகளுங்கூட ஆகார்.
-லா புரூயர்
உலோபிகள் நல்லவர்கள், தங்கள் மரணத்தை விரும்புவோர்க்குத் தனம் சேர்த்து வைப்பவர்.
- லெஸ் ஜெனஸ்கி
சாத்தானுடைய வாசஸ்தலம் உலோபியின் நெஞ்சமாகும்.
-புல்லர்
★ ★ ★
