பக்கம்:எழுத்தாளர்கள் பத்திரிகைகள்-அன்றும் இன்றும்.pdf/72

64

பணத்துக்காக எழுதுகிறேன், புகழுக்காக எழுதுகிறேன், என் மன அரிப்பை தீர்த்துக் கொள்வதற்காக எழுதுகிறேன் என்று சொல்கிற எழுத்தாளர்களும் இருப்பார்கள்.

படிப்பவர்களுக்குக் கிளுகிளுப்பூட்டுவதற்காக எழுதுகிறேன், பிறருக்குக் கோபம் உண்டாக்குவதற்காக எழுதுகிறேன், பிறருக்கு வழிகாட்ட எழுதுகிறேன், சமூகம் சீர்திருந்த வேண்டும் என்பதற்காக - எழுதுகிறேன். மக்களுக்கு சிந்தனை - விழிப்பு ஏற்படுத்துவதற்காக எழுதுகிறேன். இப்படியும் சொல்வார்கள் பற்பலர்.

பொதுவாக அவரவர் இயல்புகளின்படி, அவரவர் நோக்கிற்கும் போக்கிற்கும் ஏற்ப, எழுத்தும் வித்தியாசப்படும். . . .

என்றாலும், எழுத்து வகைகளில் பளீரெனப் புலனாகக் கூடிய போக்குகள் இரண்டு உண்டு.

ஒன்று - தனிமனித நோக்கு. அது அகவயமான போக்கைதக் கொண்டிருக்கும். தனி நபரின் உள்ளத்து உணர்ச்சிகள், ஆசைகள், கனவுகள், ஏக்கங்கள், விரக்தி வேதனை. அகஉளைச்சல்கள், வக்கிரத் தன்மைகள் முதலியவற்றை சித்தரிப்பது,

இரண்டாவது - சமுதாயப் பார்வை, (சமூக நோக்கு ) பரந்த நோக்கில் சமூக பிரச்சனைகளை எடுத்துச் சொல்வது. ஏழை எளியவர்கள், வாழ்க்கை வசதிகள் வஞ்சிக்கப்பட்டவர்கள், அடக்கி ஒடுக்கி வைக்கப்பட்டிருப்ப வர்கள், வாழ்வின் அடி மட்டத்தில் அவதிப்படுவோர் முதலியவர்களின் வாழ்க்கை நிலைக்கான உண்மைக் காரணங்களை அவர்களுடைய பிரச்னைகளை, எழுச்சிகளை, போராட்டங்களை