நெய்தல்
209
(தொல். கற்பு. 6) எனவும், தலைவி மற்றொருத்தி குணம் இத்தன்மையள் எனச் சொல்லித் தலைமகனது குறிப்பினை அறிதற்கும் உரியள் - (தொல். பொருள். 38) எனவும், இளம்பூரணனார், தலைவி கூற்றாகவே இச்செய்யுளைக் காட்டுவர்.
திணைமயக்குறுதலுள் இப்பத்தும் நெய்தற்கண் மருதம்; இவை பெதும்பைப் பருவத்தாள் ஒரு தலைவியொடு வேட்கை நிகழ்ந்தமையைத் தலைவி கூறித். தலைவன் குறிப்புணர்ந்தது - (தொல். அகத். 12) எனவும்; தலைவன் வரையக் கருதினாளோர் தலைவியை, 'இனையள்' எனக் கூறி, அவள் மாட்டு இவன் எத்தன்மையன் என்று வியப்புற்றுக் கூறியது! இது தலைவன் கூற உணராது; தான் வேறொன்று கூறி, அவன் குறிப்பறியக் கருதுதலின் வழுவாய் அமைந்தது - (தொல். பொருள். 40) எனவும் நச்சினார்க்கினியர் கூறுவர். முதலில் தலைவி கூற்றாகவும், பின் தோழி கூற்றாகவும் அவர் கொள்வதும் ஓர்க.
உள்ளுறை: வெள்ளாங்குருகு ஒள்ளிழை தேடித் தராதவாறு போல, அவளை நாடும் நின் நாட்டமும் என் வழியாக நினக்குப் பயன்தராது என்று கொள்க.
123. ஆயும் ஆர்ப்பத் திரை பாய்வோள்!
கண்டிகும் அல்லமோ, கொண்க! நின்கேளே?
ஓண்ணுதல் ஆயம் ஆர்ப்பத்
தெளிவுரை: கொண்கனே! ஒளியமைந்த நெற்றியையுடைய ஆயமகளிர்கள் பலரும் ஆரவாரம் செய்ய, தண்ணென விளங்கும் பெருங்கடலிலே, அலையிற் பாய்ந்து கடல்நீர் ஆடுவாளான, நின் உறவாட்டியை, யாமும் கண்டேமல்லமோ?
கருத்து: "ஏன் பொய்யுரை புகல்கின்றனை?" என்றதாம்.
சொற்பொருள்!: ஆயம் - ஆயமகளிர்; விளையாட்டுத் தோழியர். ஆர்ப்ப - ஆரவாரித்து ஒலி எழுப்ப.
விளக்கம்: அலையிலே பாய்ந்தாடுவாளை ஊக்கப்படுத்தும் மகிழ்ச்சியினாலே, கரையிலுள்ள தோழியர் ஆரவார ஒலி எழுப்புவர் என்பதாம். அந்த ஒலியால் எம் கவனம் ஈர்ப்புற அவளை, அங்கே யாமும் காண நேர்ந்தது என்றதாம்.
ஐங். -- 14
