46
ஒய்யாரி
நின்றால் கூட எதுவும் நடவாதது போல் கௌரவமாக முன் செல்ல முயல்வான். ஏன்? விழுந்தவனைக் கண்டு. மற்றவர்கள் கேலியாகச் சிரிக்கவே முந்துகிறார்கள். அது தன்மானத்தை பாதிக்கிறது. அதே மாதிரித் தான்....அது ஏன்! தொழிற்காரி வீட்டுக்குப் போய் சீக்கு வாங்கிக் கொள்கிறவன் அதைப் பெருமையாகவா சொல்லித் திரிகிறான்? மறைத்து மூடி வைக்கத் தானே முயல்கிறான். முற்றிவிட்டது என்றதும் தான் டாக்டரிடம் ஓடுகிறான்.. பெரிய மனிதர்கள் இவ்விதம் ஏமாந்ததை வெளியே சொல்லமாட்டார்கள். சொல்லத் தொடங்கினால் அவர்கள் புரவோலம் தான் சந்தி சிரிக்கும். பெரிய மனிதர்களையும் பணக்காரர்களையும் எப்பொழுது புழுதியிலே தள்ளிக் கை கொட்டிச் சிரிக்கலாம் என்று காத்துக் கொண்டிருக்கிறார்கள் சாதாரண மக்கள். அதனால் தான் எந்த வகையிலாவது உயர்ந்து விட்ட பெரியார்களைப் பற்றி மோசமாக எழுதுகிற மஞ்சள் பத்திரிகைகளுக்கும், பரப்பப்படுகிற வதந்திகளுக்கும் வரவேற்பு அதிகமிருக்கிறது’
‘ஏமாந்தவன் உடனேயே உன்னைக் கொல்ல முயன்றிருந்தால்?’
‘அவ்வளவு துணிவு ஏது பெண்பித்து பிடித்தலையும் பணக்காரர்களுக்கு! பிறகு தான் அடி ஆட்களை ஏவியும், கூலிக்காரக் குண்டர்களைப் பிடித்தும் வஞ்சம் தீர்த்துக் கொள்ள முயல்வார்கள், பணபலம் படைத்தவர்கள். ஆனால் என் விஷயத்தில்... உண்மை எத்தகைய அதிர்ச்சியை உண்டாக்கும் என்பது உனக்குத் தெரியாது. உன்னிடம் அன்பும் பரிவும் கொண்டு இவ்வளவு தூரம் விளக்கிக் கொண்டிருக்கிறேன். சாதாரணமாக, பல தினங்களாக ஏமாந்து பசி தணியாது வெறியோடு வருகிறவர்கள் — நீ அப்பொழுது மிருகமாகப் பார்த்தாயே, அப்படி! — இன்னும் அதிகமான மோகமூட்டப்பட்டதும் போதையில் கிறங்கி படுக்கையறைக்கு ஆவலோடு இழுத்துச் செல்கிறார்கள். அவர்களுக்கு இணங்குவது
