பக்கம்:கஞ்சியிலும் இன்பம்.pdf/37

விக்கிமூலம் இலிருந்து
இப்பக்கம் மெய்ப்பு பார்க்கப்பட்டுள்ளது

அத்தான் விஜயம்

அத்தை மகனை அத்தான் என்று வழங்குவது தமிழ்நாட்டு வழக்கு. அத்தை மகனை மணம் செய்துகொள்வதைச் சில சாதியார் உரிமையாகக் கொண்டாடுவர். பெரும்பாலும் அத்தைமகனைக் கணவகைப் பெறும் வழக்கத்திலே ஊறிய சமுதாயத்தில் கணவனை அத்தான் என்று அழைக்கும் மரபு உண்டாயிற்று. அவன் அத்தை மகனாக இல்லாவிட்டாலும் அத்தான் என்று வழங்கும் சம்பிரதாயம் மாறவில்லை.

தமக்கைக்கு அத்தான் முறையானால் தங்கைக்கும் அத்தான் முறைதானே? ஆதலால் அக்காள் புருஷனை அத்தான் என்று வழங்கும் முறையும் தொடர்ந்து வந்தது. பிராமணர்கள் அக்காள் புருஷனே அத்திம்பேர் என்று வழங்குகிறார்கள் மற்றச் சாதியினர். அத்தானென்று அழைப்பதே பெரும்பான்மையான வழக்கம்.

தமக்கை புருஷனைக் கண்டால் தங்கைமார்களுக்கு அளவில்லாத ஆனந்தம். அவனுக்கும் அவர்களைப்பொம்மைகளாக நினைத்து விளையாடுவது இன்பத்தை அளிக்கும். அத்தானைப் பரிகாசம் செய்து கிண்டல் பண்ணுவது, தமிழ் நாட்டுக் குடும்பங்களில் ஹாஸ்ய உணர்ச்சி யிருப்பதற்கு அடையாளமாக நிலவுகிறது.

த்தான் இன்னும் குடித்தனம் வைக்கவில்லை. அக்காள் பிறந்தகத்திலேதான் இருக்கிறாள். அடிக்கடி மாமனார் வீட்டுக்கு அவன் விஜயம் செய்கிறான் ஹாஸ்ய சம்பா-