பக்கம்:கணிப்பொறி அகராதி.pdf/182

விக்கிமூலம் இலிருந்து
இப்பக்கம் மெய்ப்பு பார்க்கப்பட்டுள்ளது



Pro

182

pse


கட்டுப்பாட்டுக் குறிப்பு உதவிகள். மேலும், இத்திட்டத்தோடு வேறுபட்ட வகைக் கோப்புகளையும் சேர்க்கலாம்.

Project Explorer Window - திட்ட எக்புளோரர் விண்டோ (திட்ட ஆராய்விச் சாளரம்) : ஒரு திட்டத்திலுள்ள கோப்புகளை இனங்கான, திட்ட எக்ஸ்புளோளர் விண்டோ பயன்படுகிறது. திட்டங்களையும் அதன் உள்ளடக்கங்களையும் பட்டியலிட மரநோக்கை இது பயன்படுத்துகிறது. எக்ஸ்புளோரரில் படி நிலை வரிசை உச்சியில், திட்டங்கள் இருக்கும். எக்ஸ்புளோரரின் தலைப்புப்பட்டை, சொல் திட்டத்தையும் செயலுறு திட்டத்தின் பெயரையும் கொண்டிருக்கும்.

properties - பண்புகள் : விஷுவல் பேசிக்கிலுள்ள பொருள்களை, அவற்றின் பண்புகளும் முறைகளும் நிகழ்ச்சிகளும் கட்டுப்படுத்துகின்றன. ஒவ்வொரு தனித்த பொருளும் தனக்கென்று ஒரு சில பண்புகளைக் கொண்டவை.
பொதுவான பண்புகள் பின்வருமாறு : 1) இடம், 2) உச்சி, 3) உயரம், 4) அகலம், 5) பெயர், 6) பார்க்கக் கூடியது, 7) இயலக் கூடியது.
தவிர, ஒவ்வொரு கட்டுப்பாட்டிற்கும் ஒரு பண்பு உண்டு. அதன் வழக்காற்றை ஒட்டி, அது தவறுபண்பு எனப்படும் எ-டு பாடப்பெட்டி பாடப் பண்பையும், குறியம் தலைப்புப்பண்பையும் கொண்டிருக்கும்.

Properties Window - பண்புச் சாளரம் :தேர்ந்தெடுக்கப்பட்ட நடப்புப் பொருளுக்குரிய பண்புகளை இது மாற்றுவது. சிறப்புள்ள பொருள் வழக்கமாகப் படிவம் அல்லது கட்டுப்பாடு. ஒரு பொருளின் பல பண்புகள், நெடுங்கணக்கு வரிசை அல்லது வகை வரிசையில் நோக்கப்படும். எ-டு ஒரு படிவத்தில் முதல் பாடப் பெட்டிக் கட்டுப்பாட்டைப் பயன்படுத்தும் பொழுது, அதன் பெயர்ப் பண்பு, தவறினால் பாடம் 1 என அமைக்கப்படும்.

protection - பாதுகாப்பு : மென்பொருள் அலகுகளுக்கிடையே குறுக்கீட்டைத் தவிர்க்கும் நுணுக்கங்கள்.

Protocol - மரபுச்சீரி : இது ஒரு மரபுத் தொகுதி. இரு தொகுதிகளுக்கிடையே தகவல் பரிமாற்றத்தைக் கட்டுப்படுத்துவது. மையச் செயலகமும் அச்சியற்றியும் இம்மரபு மூலமே பேச இயலும்.

pseudo code - பொய்க் குறிமை

pseudo operation - போலி கைச் செயல் : வன்பொரு-