150 ☐ கனிச்சாறு - இரண்டாம் தொகுதி
91 ஆயிரம் பேர் சேர்ந்தால் அனைத்தும் நடக்கும்!
நல்ல மனம்பல தேவை - இந்த
1
நாலரைக் கோடித் தமிழரைக் காக்க!
சொல்லும் செயலும் பொருந்தும் - பல
சோர்வற்ற உள்ளங்கள் பற்பல வேண்டும்!
அல்லும் பகலும் நினைக்கும் - பலஆர்வங்கொள்
2
நெஞ்சங்கள் ஒருங்குறச் சேர்ந்து
வெல்லும் வினைகளைத் தேடும் - உயிர்
வேட்கை முனைப்புள்ள வேங்கைகள் தேவை!
தன்னல நாட்டமும் இன்றி - ஒரு
3
தலைமைத் துடிப்பும் பொறாமையும் இன்றிக்
கன்னல் தமிழ்நலம் காக்கும் - உயர்
காதல் இளைஞர்கள் இளைஞைகள் தேவை!
ஒப்பிய கொள்கையில் ஒன்றி - உடல்
4
உயிரைத் தருகின்ற வீர உணர்ச்சி,
செப்பிய கட்டளை யேற்றே - உடன்
செய்கின்ற ஆர்வத் துடிப்புடை யோர்கள்,
முப்பது பேர்கள் ஓர் ஊர்க்கு - வந்து
5
மூளுவ ராயின் இங் காளுவர் காதில்
எப்புதுக் கொள்கையும் ஏறும்! - அதை
ஏற்றில ராயிடின் ஆட்சியும் மாறும்!
ஆங்கிலம் பிழைபடப் பேசில் - பலர்
6
அருவருப் படைகுவர்; ஆயின்செந் தமிழில்,
தீங்குளங் கொண்டவர் சில்லோர் - பிழை
சேர்ப்பதை நமில்சிலர் மார்தட்டிக் கேட்டால்,
பாங்குறும் செந்தமிழ் தாழ்ந்து - பல
7
பட்டடைப் பழங்கடைக் குப்பையைப் போல
நீங்கிலா இழிவுகள் சேர்மோ? - இன்று
நின்றேனும் தமிழ்நலங் காத்திடல் வேண்டும்!
