இப்பக்கம் மெய்ப்பு பார்க்கப்பட்டுள்ளது
பாவலரேறு பெருஞ்சித்திரனார் ☐ 199
129
என்று நினைப்பாயோ?
என்று நினைப்பாயோ? - இன
ஏற்றம் விளைப்பாயோ? - தம்பி
அன்று பிறந்த நம் செந்தமிழ்க் காக்கம்
என்று நினைப்பாயோ? - இன
ஏற்றம் விளைப்பாயோ?
நன்றெண்ணிப் பாராடா தம்பி! - தமிழ்
நாடின்று உலகினில் தாழ்ந்தது வெம்பி!
இன்றதை உயர்த்தாமல் போனாய் - நீ
இருந்ததைக் கதையென்று படிப்பார்கள் வீணாய்!
(என்று)
குன்றதும் தாழ்பள்ளம் ஆகும் - பலர்
குழிவெட்டி மண்கொண்டு கல்கொண்டு போனால்!
வென்றவர் தோற்பதோ, இங்கே உன்
வீரமும் விளைவதும் போயின எங்கே?
(என்று)
மொழியினை இனத்தினைக் காப்பாய் - நம்
மொய்ம்பினை நாட்டினை இன்றே நீ மீட்பாய்!
விழியினை ஒப்பது மொழியாம் - அது
வீழ்ந்திடில் தாழ்ந்திடில் நமக்கேது வழியாம்!
(என்று)
-1985
