210 ☐ கனிச்சாறு - ஏழாம் தொகுதி
171
தென்மொழி ‘நூல்நிறை’ பகுதிக்கு
முன்னுரை!
அச்சாகும் நூலெல்லாம் நூலாமோ? ஆங்குசிலர்
மெச்சியுரை செய்திடலால் மேலாமோ? முச்சில்
புடைத்துலையி லிட்ட புதுமணலைச் சோறாய்ப்
படைத்துவிட லாமோ பசிக்கு?
172
தமிழ்ச்சிட்டு இதழின் முகப்புப் பாடல்!
இன்றைய பயனோ நேற்றைய உழைப்பு!
இன்றைய சிறுவர் நாளைய உலகம்!
நன்று செய்வதே நமக்குநல் வாழ்க்கை!
என்றும் அழியாது இருப்பது புகழே!
172
‘மறைந்து வரும் தமிழ்ச்சொற்கள்’
பகுதிக்கு முன்னுரை!
சோம்பல், அடிமை, அறியாமை யால்தமிழை
ஓம்பல் குறைவால் உலகவழக் கற்றொழிந்த
பைந்தமிழ்ச் சொற்கள் பலகோடி! ஈங்கதனால்
நைந்த தமிழர் நலிவு பலகோடி!
இன்று விழித்தோம், இனியேனும் செந்தமிழை
நன்றாகப் பேணிவர நாம்முனைவோம்; நாற்புறமும்
சென்று மறைந்துவரும் செந்தமிழ்சேர் சொற்களை
ஒன்றுதிரட்டி, உரியபொருள் ஆய்ந்தெழுதி
இப்பகுதிக் கேவிடுக்க; ஏற்றம் பயின்றிடுக,
செப்பம் மொழிக்குச் சிறப்பு!