இப்பக்கம் மெய்ப்பு பார்க்கப்பட்டுள்ளது
அல்லவே! எல்லாம் அவட்காகவே அன்று!
நல்ல விளம்பரத்தால் நானிலம் கொண்டாட!
சூழல் அலுத்தது, சுற்றிச் சலித்திட்டாள்!
"வாழ விரும்பினால் வாணிபத்தைக் கைவிட்டுக்
கொஞ்சுமெழில் கூடிக் குலவும் இயற்கையுடன்
தஞ்சம் அடைந்திடுவோம் சாந்தம் நிலவு"மென்றாள்.
சம்மதித்தான் ; வேளாண்மை சார்புள்ள மாடு கன்று;
நிம்மதிதான்! ஓரளவு நீள நிலைத்ததோ?
115