பக்கம்:கனியமுது.pdf/29

கனியமுது

எளிமையெனும் சுழற்காற்றால் அணைந்தி டாத
எழில்விளக்காய்ச் சுடர்விட்ட மனைவி கண்டு
முழுமையுற்றோம் என்றெண்ணி, மூத்த பிள்ளை
முதலிரவின் இதங்காண முனைந்த போது...
வலிமைமிக்க சாவென்னும் பகைவன் வந்து
வளைத்திட்டான்! கிளைத்தெழுந்து படர்ந்து தாவிச்
செழுமையுற்ற பூங்கொடியும் சீர்கு லைந்து
சிதைந்ததந்தோ : வேதவல்லி செய்த தீமை


பொற்றாலி யோடெவையும் போகு மன்றோ?
பொல்லாத கைம்மையினுங் கொடுமை ஏது?
பெற்றாரின் பாழ்மனமும் பேத லிக்கப்-
பிறந்தகத்தை மறந்திடுமோர் நிலைமை யுற்றால்
குற்றேவல் புரிகின்ற சிற்றா ளாகக்
கூலியின்றிக் கிடைத்தவளை விடவா செய்வர்!
வற்றாத விழியருவி பொழியும் நீரால்-

மாமியாரின் சொல் நெருப்பை அணைத்து வந்தா

18

18