லா.ச.ரா.
19
தூக்கம் என்பதே உடலின் ஒய்வுக்கா? மனதின் மறதிக்கா? எதை மறப்பேன், எதிலிருந்து ஒய்வு பெறுவேன்?
இன்று பேப்பரை வாங்கிச் சுருட்டி, தொடையில் அடித்துக் கொண்டு வந்தேனேயொழிய இன்னும் பார்க்கலையே அரசியலில் அனைத்தும் உள்ள ஊழல் புதுமையுமில்லை. படிக்கவும் பிடிக்கல்லே. விளம்பரங்கள் பார்ப்போமா? - ஆ, இதோ, இது என்ன?
தேவை - வீட்டோடு தங்கியிருக்கும் சமையல்காரர். ஆணோ, பெண்ணோ அவசரமாகத் தேவை. சைவபதார்த்தங்கள், ருசியாகத் தித்திப்பு, கார டிபன், சாப்பாடு செய்யத் தெரிந்திருக்க வேண்டும். ஸிந்தி சமையல் என்று அவசியமில்லை. தமிழர் சமையல் தெரிந்திருந்தால் கூடப்போதும். அவசரமாகத் தொடர்பு:
37, பெல்ஸ் ரோடு,
சேப்பாக்கம், சென்னை - 5:பயலுக்கு நாக்கு ரொம்ப செத்துப் போயிருக்கும் போலிருக்கே ! விளம்பரமும் வயிற்றுப் பசியை நினைவு படுத்தணுமா? பேப்பரைச் சுருட்டி மூலையில் அடித்தார். இன்று தூக்க மாத்திரையில்லாமல் முடியாதே என்று. போட்டுக் கொண்டு ஒரு தம்ளர் தண்ணி.
பாதிக் கண் செருகலில், கண்ணுள் ஒரு கை :
அபய ஹஸ்தம்.
நடன முத்திரை.
உள்ளங்கையில் மருதாணியில் சக்கரம் எழுதி அதன் நடுவே ஒரு முத்து அவர் முகத்தில் ஒளி வீசிற்று. படுக்கையில் புரண்டார். முயன்றும் இமைகளைத் திறக்க முடியவில்லை.
