பக்கம்:குடும்பப் பழமொழிகள்.pdf/44

விக்கிமூலம் இல் இருந்து
Jump to navigation Jump to search
இந்த பக்கம் மெய்ப்பு பார்க்கப்பட்டுள்ளது

43


அண்டை வீட்டுக்காரர்

அண்டை வீட்டுக்காரரை நேசி, ஆனால் குறுக்குச் சுவரை இடித்து விடாதே.

-இந்தியா

உன் தலைக்குச் சேராத தொப்பியை அடுத்த வீட்டுக்காரர் தலையில் கட்டாதே.

-( ,, )

அண்டை அயலார் அனுமதித்தால்தான், நீ அமைதியோடு வாழலாம்.

-( ,, )

அம்மா சொல்வது போல் உண்மை இராது, அயலார் சொல்வதே உண்மை.

-( ,, )

பக்கத்து வீட்டுக்காரன் உன் பந்துவைவிட நெருங்கினவன்.

-அல்பேனியா

துருக்கியரைப் பற்றியும், போப்பாண்டவரைப் பற்றியும் பேச்சு வருகிறது; ஆனால் எனக்குத் தொந்தரவு கொடுப்பவன் என் அண்டை வீட்டுக்காரன்.

- இங்கிலாந்து

உன் அண்டை வீட்டுக்காரன் நல்லவனா யிருந்தால், உன் வீடு கூடுதலாக நூறு பவுன் பெறும்.

-ஸெக்

அண்டை அயலான் தயவில்லாமல் எவனும் வாழ முடியாது.

- டென்மார்க்

மூன்று பேர்களின் பக்கத்தில் குடியிருக்க வேண்டாம்: பெரிய நதிகள், பெரிய பிரபுக்கள், பெரிய சாலைகள்.

-( ,, )

நரிகளை விட அதிகமாக நம் அக்கம் பக்கத்திலுள்ளவர்களே நம்மைக் கவனிப்பார்கள்.

- கிரீஸ்

நல்லவர்களின் நடுவில் வசித்தல் வெகு தூரத்தில் புகழப்படுவதைவிட மேலாகும்.

- நார்வே

அண்டை வீட்டை விலைக்கு வாங்குவதைப் பார்க்கினும், அண்டை வீட்டானையே விலைக்கு வாங்கு.

-ரஷ்யா

மனிதன் நண்பர்களில்லாமல் இருக்க முடியும், ஆனால் அக்கம் பக்கத்து வீட்டார்கள் இல்லாமல் முடியாது.

-( ,, )