38
டாக்டர். எஸ். நவராஜ் செல்லையா
ஆகவே, மருந்தை நம்பித்தான் மனித இனம் அடிபட்டுக்கொண்டிருக்கிறது. மகேசன் பெயரை மறந்து விடுகிற அளவுக்கு மருந்தின் பெயர்கள் மக்கள் மனதிலே மாய்மாலம் பண்ணிக் கொண்டிருக்கின்றன.
எனவே, மருந்து என்று நீங்கள் கூறியவுடன், என் சிந்தனைகள் எல்லாம், சமுதாயத் தெருக்களுக்குள் ஓடி ஒரு வட்டமடித்து வந்து நிற்கின்றன.
ஒரு 50 ஆண்டுகளுக்கு முன்பிருந்த மனிதப்பழக்கம் இப்படி இருந்தது.
உணவு, உடற்பயிற்சி, மருந்து என்று இருந்தது.
நாகரிகம் பெருகப் பெருக:
உணவு, மருந்து, உடற் பயிற்சி என்று மாறிப் போயிற்று.
நாகரிகத்தின் நலிவுகள் பெருகப் பெருக:
மருந்து, உணவு, உடற்பயிற்சி என்று மாறி வந்தது.
இப்பொழுது நோய்கள் முதலிடம் வகிப்பதால்,
மருந்து, உடற் பயிற்சி, உணவு என்று அடிப்படையே மாறியது.
இன்னும் நோயின் வேகம் தணியாமல், பேயின் வாயில் பிடிப்பட்ட பாதகர்களைப் போல, வாழும் நிலைமை மாறியதால் இப்போது தலை கீழ் மாற்றம் பெற்றது.
