இப்பக்கம் சரிபார்க்கப்பட்டது.
குறும்பா
33
தற்பெருமைப் பாட்டுக்களை நுழைத்தான்
தற்செருக்கை நாடகத்தில் அழைத்தான்,
தற்புகழை எழுத்தில், பேச்சில்
தாளிகையில் தந்து வந்தான்
தப்பானவர் தாம் புகழப் பிழைத்தான்!
◯
தாக்கிற்றுநோய் உடன் இறந்தது அரிமா,
தலை இழந்தும் உயிர் வாழ்கிறதாம் நரிமா;
போக்கிலிகள் பொய்மை கூறிப்
புட்டரசுத் தேர்தலிலே
நோய்க்கிரைத்தார் கோடிபணம் பொரிமா!
◯
கூண்டுக்கிளி பறந்துவிட்டது வானில்
கொண்டாட்டம்தான் காதலுற்றது தேனில்!
கூண்டின் வெறுமை கண்டு பரத்தை
கோட்டான் ஒன்றை அடைத்து வைத்தாள்
மாண்பு வந்து மகிழ்வடைந்தான் ஊனில்!
◯
மானின் விழி அழகை எண்ணி சிறுத்தை
மாற்றிடுமா கொல்லுகிற கருத்தை?
வான்வில் வண்ணக் கிளி மரத்தில்
வந்தமர்ந்தால் திருட்டுப்பூனை
தான் மகிழுமா புரட்சியின் எழில் குருத்தை?
