52
கோவேந்தன்
கரடி கிழமானது வயது எட்டிக்
கண்டது பேரப்பிள்ளைத் தன்னைச் சுற்றி,
புரட்டி ஆடி மகிழ்ந்திருந்தது.
‘புட்டபர்த்தி’ தலைபோல் முடி பற்றி
உரமற்ற கிழக் கரடியினை
உலுக்கி விளையாடியது குட்டி!
◯
நோய்க்கிரண்டு வைப்பாட்டி மார்கள்
நூறு வயதும் ஆளை விழுங்குவார்கள்;
தாய்க்கிழவி சமைத்ததெலாம்
தனியா துண்டு நன்கு கொழுப்பார்கள்;
போய் அனைத்துப் பொருள் பறித்துப்
புத்துணர்ச்சி தந்து களிப்பார்கள்!
◯
திரைப்படத்து விளம்பரங்கள் தெருவில்
திரெளபதியைத் துகிலுரித்த உருவில்!
பரத்தையரும் கூசுகின்ற
படங்கள் கண்டார் கலையமைச்சர் அருகில்;
உரைக்கவொணா மகிழ்வில் ஆழ்ந்தார்
உந்து வண்டி மோதி விழுந்தார் சருகில்!
◯
ஒவ்வொரு நோய்க்கும் மருத்துவர்பால் ஒடி
மருந்துண்பான் தெரிந்த புண்ய கோடி.
ஒவ்வொரு வழக்கும் முற்றவிட்டு
வழக்குரைஞர் பற்பலரைத் தேடி
எவ்வளவோ பொருள் இழந்தான்
இன்றடங்கி விட்டான் உயிர் நாடி!
