இப்பக்கம் சரிபார்க்கப்பட்டது.
ஒருநாள் அந்த வழியினிலே,
உள்ள மைல்கல் ஒன்றிற்கு
வெள்ளை யடித்து இருந்ததனால்
வெள்ளை முயல்போல் தோன்றியதே !
முருகன் அதனை முயலெனவே
முட்டாள் தனமாய் எண்ணிவிட்டான்.
விட்டான் காரை அதன்மேலே,
‘பட்’டெனக் கல்லில் மோதியதே !
காரின் முன்னால் இருந்திட்ட
கண்ணா டியுமே நொறுங்கியதே !
பட்டது காயம், பலமாக.
பற்கள் இரண்டு போயினவே !
‘முயலைக் கொன்று தின்றிட்ட
முன்னம் பற்கள் உடைந்தனவே !
ஐயோ, உயிரைக் கொன்றேனே !
அதனால் கடவுள் தண்டித்தார்’
என்றே எண்ணி முருகனுமே
இளகிய உள்ளம் பெற்றனனே.
18
